Elorda • 12 Tamyz, 2022

Elordalyq oqýshylarǵa 670 mln teńge bólinedi

67 ret kórsetildi

Nur-Sultan qalasynyń ákimi Altaı Kólginov Instagram paraqshasynda jalpyǵa mindetti bilim berý aıasynda oqýshylar úshin 670 mln teńge bólinetinin málim etti, dep habarlaıdy Egemen.kz elorda ákimdiginiń saıtyna silteme jasap.

«Jalpyǵa mindetti bilim berý aıasynda áleýmettik az qamtylǵan otbasylardan shyqqan balalarǵa kómek kórsetý úshin 670 mln teńge bólemiz. Baǵdarlama boıynsha mektepke qajet kıim, aıaq kıim, keńse taýarlaryn satyp alý máselesi qarastyrylyp otyr. Áleýmettik az qamtylǵan otbasylardan shyqqan 16 700-den astam balaǵa osyndaı materıaldyq kómek beriledi. О́tken jyldarmen salystyrar bolsaq, materıaldyq kómek kórsetilgen balalar sany artty. Máselen, 2020 jyly – 13 245 bala, al 2021 jyly – 14 620 oqýshy. 

Ár balaǵa 40 myń teńgeden bólemiz. Mysalǵa, otbasynda 4 bala bolsa, 160 myń teńge beriledi. Osyǵan deıin ár balaǵa arnalǵan materıaldyq kómek kólemin 40 myń teńgege deıin arttyrdyq. Materıaldyq kómek ótinish berýshiniń bank kartasyna (nemese arnaıy shotqa) aýdarylady. Osylaısha ótinish bergen ata-ana kez kelgen dúkenge baryp, qajet kıim men oqý quraldaryn satyp ala alady. Bul rette bólingen qarajat balanyń qajet zattaryna ǵana jumsalǵanyn qujat arqyly (túbirtekter, tólem týraly chekter) rastaý qajet», dep jazdy ákim.

Materıaldyq kómek alý úshin balańyz oqıtyn mektepke júginýińiz kerek. Qazirgi ýaqytta oqý oryndarynyń ákimshiligi tizim jasap jatyr. 

Materıaldyq kómek myna sanattaǵy oqýshylarǵa kórsetiledi:

- AÁK alýǵa quqyǵy bar otbasylardan shyqqan balalar;

- AÁK almaıtyn, jan basyna shaqqandaǵy tabysy eń tómengi kúnkóris deńgeıinen az otbasylardan shyqqan balalar (37 389);

- otbasynda turatyn jetim balalar jáne ata-anasynyń qamqorlyǵynsyz qalǵan balalar;

- TJ saldarynan shuǵyl kómekti qajet etetin otbasylardan shyqqan balalar;

- basqa sanattar (ómirlik qıyn jaǵdaıǵa tap bolǵan otbasylar jáne múmkindigi shekteýli balalardy tárbıelep otyrǵan otbasylar).

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar