Muny qoǵamdyq kólik marshrýttaryn uıymdastyrýshy kásiporyndardyń basshylyǵy men elektrondy tólem júıesiniń ókilderi kún saıyn jolaýshylardan túsetin paıdany baqylaý úshin jasap otyrǵandary sózsiz.
– Búgingi kúni oblys ortalyǵynyń qoǵamdyq kólik baǵyttaryndaǵy barlyq tasymaldaýshy «Smart avtobýs PV» JShS-nyń biryńǵaı operatorymen jumys isteıdi. Osy jyldyń alǵashqy jartysynda qoǵamdyq kólikti 9,1 mln jolaýshy qoldansa, onyń ishinde 3,8 mln adam qolma-qol tólem jasaǵan. Al 5,3 mln azamat, ıaǵnı 58,2 paıyzy jol júrý qunyn kartamen tólegen. Endigi kezekte saralanǵan tarıfty engizý elektrondy bılet úlesin arttyrýǵa múmkindik beredi, – deıdi qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Arslan Qalııaqbarov.
Bıyl qaladaǵy avtobýstar, shaǵyn avtobýstar men tramvaılardyń barlyǵy Avtobys júıesin paıdalanýǵa kóshken. Jolaýshylar qoǵamdyq kólikke mingende jol aqysyn kartamen tóleıdi. Biraq tólemdi aqshalaı bergendi qup kóretinder áli de azaımaı tur. Kólik kartalaryn paıdalanýdyń shekti merzimi joq. Pavlodar qalasyndaǵy qoǵamdyq kólikterde kópbalaly analar, múmkindigi shekteýli jandar, aýǵan soǵysynyń ardagerleri syndy 14 top ókili tegin, zeınetkerler 50 paıyzdyq jeńildikpen qatynaıdy. Qarııalar tóleýge tıis jolaqynyń qalǵan bóligin jergilikti bılik óteıdi. «Balalar jylyna» oraı oblys ákiminiń sheshiminen bıyl Pavlodar, Ekibastuz jáne Aqsý qalalaryndaǵy balalar qoǵamdyq kólikte tegin júrýge múmkindik alǵanyn da aıtyp ótken abzal.
Joǵaryda atalǵan sanattarǵa jatatyn turǵyndardyń qanshasy qoǵamdyq kólikpen júretinin eshkim bilmeıdi. Sonyń saldarynan bılik pen tasymaldaýshylar arasynda túsinispeýshilik týyndap kelgen. Mundaı jaǵdaıdyń aldyn alyp, kompanııalarǵa sýbsıdııa tóleýdi bir izge keltirý úshin jolaýshylardyń naqty sany qajet eken.
– Ony tek elektrondy bılet júıesi arqyly anyqtaýǵa bolady. Sondyqtan osy jyldyń naýryz aıynan bastap «Smart Avtobýs PV» tramvaılar men úlken klasty avtobýstarǵa planshetter (stasıonarly valıdatorlar) jáne mobıldi valıdatorlar ornatty. Bizdiń basty mindet – bir kúnde, bir saǵatta, tipti mınýtyna deıin neshe adamnyń qoǵamdyq kólikke kirip-shyqqanyn, olardyń qandaı tólem tásili arqyly jolaqysyn ótegenin jáne qaı aıaldamadan otyryp, qaısysynan túskenin kórsetý, – deıdi «Smart Avtobýs PV» JShS tehnıkalyq dırektory Talǵat Toqtaǵanov.
Oblys ortalyǵynda búginde úlken jáne shaǵyn avtobýstardyń jetpeıtini de baıqalady. О́ńirlik kólik júrgizýshiler odaǵy qaýymdastyǵynyń prezıdenti Vasılıı Rýdakov aımaq boıynsha 100-ge jýyq avtobýs júrgizýshisi qajet ekenin aıtady. Kólikterdegi jol aqysy baqylana bastaǵaly burynǵy júrgizýshilerdiń kóbi jumystan shyǵyp ketken. Sebebi olardyń buǵan deıin tapqan tabysyn eshkim baqylamaı, ár avtobýstyń tizginindegi júrgizýshi men kondýktor kúndelikti túsken qarajatqa ózderi bı, ózderi qoja bolǵan.
«Áleýmettik mańyzy bar baǵyttardy sýbsıdııalaý júrgizilýde, biraq bul qaladaǵy kólik jumysyn jaqsartýǵa jetkiliksiz. Olqylyqtyń sheshimi – elektrondy bılet júıesin paıdalanatyn turǵyndardyń sanyn kóbeıtý. Qazir zeınet jasyndaǵy azamattar qolma-qol tólem kezinde jol júrý quny úshin 40 teńge tólep júr. Al saralanǵan tarıf engizilgende olar kartasy joq bolsa 65 teńge tóleýi múmkin. Biraq bul boıynsha naqty sheshim qabyldanǵan joq», deıdi bólim jetekshisi Arslan Qalııaqbarov.
Aıtpaqshy, kópshilik Avtobys júıesiniń QR-kodyn kaspi.kz qosymshasy arqyly skanerlep, tólem jasaý múmkindigin engizýdi surap keledi. Bul turǵyndar úshin yńǵaıly bolar edi. Alaıda «Smart Avtobýs PV» bul boıynsha bankpen kelise almaı otyrǵan kórinedi. Qarjy uıymy olarǵa kúnine qansha tólem jasalǵany týraly aqparat berýden bas tartamyz degen talap qoıypty.
Pavlodar oblysy
