Nur-Sultan qalasynyń Kólik jáne jol-kólik ınfraqurylymyn damytý basqarmasy 15 tamyz ben 5 qyrkúıek aralyǵynda Máńgilik El dańǵyly – Saraıshyq kóshesi men R.Qoshqarbaev dańǵylynyń qıylysyndaǵy kólik aıryǵy ýchaskesindegi «Arqar» (M1) kópiriniń jol tósemin ortasha jóndeý jumysy bastalǵanyn habarlady.
«Osyǵan baılanysty, 15-24 tamyz aralyǵynda Máńgilik El dańǵyly men Saraıshyq kóshesiniń qıylysyndaǵy kólik aıryǵynan R. Qoshqarbaev dańǵylyna deıingi «Arqar» kópirin (M1) jáne 24 tamyz ben 5 qyrkúıek aralyǵynda «Arqar» kópirin (M1) jabý josparlanyp otyr», delingen habarlamada.
Vedomstvo elorda turǵyndary men qonaqtarynan keptelis týdyrmas úshin qozǵalys baǵytyn aldyn ala josparlaýdy suraıdy.
«Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», dep tolyqtyrdy basqarma ókilderi.
