Oblystyq polısııa departamenti baspasóz qyzmetiniń málimetinshe, ol tabıǵatty qorǵaý polısııasynyń qyzmetkerleri men «Ohotzooprom» kásipornynyń jáne janýarlar dúnıesi orman sharýashylyǵy aýmaqtyq ınspeksııasy qyzmetkerleri birlesip júrgizgen reıd barysynda ustaldy.
«12 tamyzda «Ohotzooprom» kásiporny qyzmetkerleri Amangeldi aýyldyq okrýginiń aýmaǵynda 42 jastaǵy turǵynnyń zańsyz múıizdi kıikti atyp alǵanyn anyqtady. Qorǵaljyn aýdandyq polısııa bólimi osyǵan baılanysty Qylmystyq kodekstiń 337-baby 4-bóligi (zańsyz ań aýlaý) boıynsha sotqa deıingi tergeýdi bastady. Polısııa qyzmetkerleri kúdiktiden tirkelmegen tegis, bir uńǵyly «IJ-16» myltyǵyn, 5 gılzany tárkiledi», delingen vedomstvo habarynda.
Er adam buryn da Qylmystyq kodekstiń 188-baby boıynsha qylmystyq jaýapqa tartylǵany anyqtaldy.
Osy rette, polısııa qyzmetkerleri el aýmaǵynda ǵylymı maqsattarda paıdalanýdy qospaǵanda, kıikterdi, olardyń bólikteri men derıvattaryn 2023 jylǵa deıin paıdalanýǵa tyıym salynǵanyn eske salady.
Aqbókenderdi zańsyz aýlaý faktilerin anyqtaý, aldyn alý jáne jolyn kesý maqsatynda 8-18 tamyz aralyǵynda oblys aýmaǵynda «Aqbóken» respýblıkalyq aksııasy ótip jatyr.
