Pavlodar oblysynda jyl basynan beri alıment tólemeı júrgen 270 adam izdestirilýde, qazirgi ýaqytta onyń 164-i anyqtaldy.
Mysaly, Pavlodar oblysynyń turǵyny ata-ana mindetterin oryndaýǵa nemquraıdy qaraǵan. Onyń burynǵy áıeli polısııaǵa júginýge májbúr boldy. Áıel úsh jyldan beri burynǵy kúıeýi kámeletke tolmaǵan ulyn asyraý úshin alıment tólemeıtinin aıtty. Qaryz somasy shamamen 3 mln teńgege jetken. Polısııa balanyń ákesin anyqtady.
– Taǵy bir pavlodarlyq 2021 jyldyń maýsymynan bastap balany asyraý boıynsha alımenttik mindettemelerin oryndamaǵan. Er adam alımentter boıynsha paıda bolǵan bereshekti óteýge jáne olardy aı saıyn tóleýge baǵyttalǵan pármendi sharalardy qabyldamady. Sot aktilerin oryndaý mindettiligi týraly sot oryndaýshylarynyń jazbasha habarlamalary men eskertýlerine jaýap bergen joq, jumysqa ornalasqysy kelmedi, – dep atap ótti vedomstvo ókili.
Polısııa vedomstvosynyń habarlaýynsha, eń aldymen balalar ata-analarynyń nekesiz qalýynan zardap shegedi. Ortaq balalarǵa jáne ajyrasýdan zardap shekken ata-analarǵa qamqorlyq jasaýdyń ornyna, burynǵy erli-zaıyptylar bir-birine zııanyn tıgizýdi jalǵastyrýda. Keıbir analar balalarǵa ákelerin kórýge ruqsat bermeıdi, al olar óz kezeginde qarjylyq qoldaýdan bas tartady.
