Bilim • 15 Tamyz, 2022

Tamyz aıyndaǵy UBT aıaqtaldy

43 ret kórsetildi

Tamyz aıyndaǵy Ulttyq biryńǵaı testileýge 19 myńǵa jýyq talapker qatysty, dep habarlaıdy Egemen.kz QR Ǵylym jáne joǵary bilim mınıstrliginiń baspasóz qyzmetine silteme jasap.

19 myńǵa jýyq túlektiń 69%-y qazaq tilinde, 31%-ǵa jýyǵy orys tilinde, 0,1%-y aǵylshyn tilinde testileýden ótti.

Aıta ketsek, tamyzdaǵy UBT sertıfıkatymen talapkerler joǵary oqý oryndaryna aqyly negizde ǵana túse alady.

Testileý qorytyndysy boıynsha 10 myń talapker shekti ball jınaı aldy, Bul – qatysýshylardyń jalpy sanynyń shamamen 54%-yn quraıdy. UBT ortasha baly 58 baldy qurady. Eń joǵary ball – 128.

UBT ótkizý barysynda 118 qatysýshynyń nátıjesi joıyldy. Onyń ishinde 39 azamat smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Qalǵan 79 adam testileý kezinde erejelerdi buzyp, aýdıtorııadan shyǵarylǵan. Olardyń da test nátıjesi joıyldy.

«Talapkerlerdiń tańdaýy ózgerissiz qalyp tur. Barlyq qatysýshylardyń 21%-y «matematıka-fızıka» kombınasııasyn, 20%-y «hımııa-bıologııa» kombınasııasyn tańdaǵan. «Hımııa-fızıka» pánder kombınasııasyn tek 39 talapker tapsyrdy», dedi QR ǴJB Ulttyq testileý ortalyǵynyń dırektory Rýslan Emelbaev.

Eske sala ketsek, testileý qorytyndysymen kelispegen talapker apellıasııaǵa elektrondy túrde ótinish bere alady. Tamyzda UBT tapsyrǵandardan apellıasııaǵa 2 myńnan astam ótinish túsken. Olardyń ishinde 2 test tapsyrmasy qanaǵattandyryldy. Respýblıkalyq apellıasııalyq komıssııa jumysyn aıaqtady, talapkerlerdiń sertıfıkattary jeke kabınette qoljetimdi.

Tamyz aıyndaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Sonymen qatar JOO-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady.

Sońǵy jańalyqtar

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar