Bilim • 16 Tamyz, 2022

Shalǵaıdaǵylar shaǵym aıtady

63 ret kórsetildi

Statıstıkaǵa súıensek, Kereký óńirinde 212 shaǵyn jınaqty mektep bar. Osydan biraz jyl buryn oblys basshylyǵy óńirde bolashaǵy joq aýyldar dep tanylǵan shalǵaı eldi mekenderdiń mektepterin jappaq bolyp, el-jurtty shýlatqany esimizde. Ondaǵan shaǵyn bilim mekemesi áne jabylady, mine jabylady dep júrip, kóptiń tileýimen áýpirimdep saqtalyp qaldy. Onsyz da alaqandaı aýyldyń uıytqysyna, turǵyndardyń qotaryla kóship ketpeýine sep bolyp otyrǵan mektepterdiń keıbirinde áli de másele jeterlik. Ásirese modernızasııa ıgiligine ilige almaı otyrǵany qynjyltady.

Máselen, Baıanaýyl aýdanyndaǵy Q.Kemeńgerov atyndaǵy orta mektep dırektory Mádııan Qabdýova aýyldyq jerde muǵalimder jetispeýshiligi baryn aıtady. Ári ınternet jyldamdyǵyna da kóńil tolmaıdy.

– Bilim salasyna jaýapty mekemeler aýyldyq mektepterde qyzmet etetin muǵalimderge qaraılassa eken deımiz. Qazir aýyl mektepterinde muǵalimder tapshy. Maman jetispeýshiligine baılanysty bir muǵalim birneshe pánnen sabaq berýge májbúr. Bul degenimiz – ustaz jumysyn eki ese kóbeıtedi degen sóz. Ásirese qaǵaz jumystary, esep berý, kúndelik toltyrý kóp ýaqytty alady. Qazir kúndelik elektrondy format túrinde bolǵandyqtan, keıde Kundelik.kz saıtyna kirýdiń ózi kóp ýaqytty alady. Sondyqtan keńjolaqty ınter­nettiń sapasy biz úshin óte ma­ńyz­dy, – deıdi mektep basshysy.

Elektrondy «Kúndelik» júıesine oblystyń barlyq mektebi 100 pa­ıyz qosylǵan. Oblystyq bilim berý bas­qar­ma­synyń basshysy Samal Aıt­qa­zına osylaı dep aqpar berdi. Búgin­de qosylǵan qoldanýshylardyń bar­lyǵy, ıaǵnı 211 881 akkaýnt portaldy júıeli túrde qol­danady. 2022-2023 oqý jylynda óńirde 359 mektep (355-i - memlekettik, 4-eýi - jeke menshik) jumys isteıtin bolady, onyń ishinde 271 aýyl mektebi bar. Oblystyń eki mektebi teh­nıkalyq múmkindiktiń jetkilik­siz­­diginen keńjolaqty ınternet­ke qo­sylmaǵan. Olar – Maı aýda­nyndaǵy Aqshıman aýyldyq mektebi jáne Ýspen aýdanynyń Dmıt­rıevka aýylyndaǵy bilim ordasy. «Qos aýylda uıaly baılanys bar. Bilim uıymdary uıaly baılanys operatorlarynyń jyldamdyǵy tómen ınternetin paıdalanady. Bul máse­le jergilikti atqarý organdarynyń ba­qy­laýynda, aldaǵy ýaqytta másele sheshiledi», dep sendirdi basqarma basshysy.

Shaǵyn jınaqty mektepterdiń basym bóligi búginde eskirip turǵany da ras. Ǵımarattary men ınjenerlik jeli­le­ri ábden tozǵan nysandar jyl sa­ıyn aǵymdaǵy jóndeýmen ǵana shektelip kele jatqany da belgili. Bıyl «Zamanaýı mektep», «Aýyl – el besigi» baǵdarlamalary aıasynda oblys boıynsha 46 mektepke jóndeý júrgizilip jatyr. Mektepterdi modernızasııalaý bo­ıynsha 33 nysan, «Zamanaýı mektep» aıasynda 4 mektep jáne «Aýyl – el besigi» boıynsha 9 bilim oshaǵy jóndelýde. Barlyǵyna qazynadan 10 mlrd teńgeden astam qarajat bólingen. Atap óterligi, sońǵy 3 jylda aımaqta «Zamanaýı mektep» baǵdarlamasy tabysty júzege asýda. 2025 jylǵa deıin bul baǵdarlama arqyly 85 mektep kúrdeli jóndelip, jańa keıipke enedi dep josparlanǵan. Orta mektepterdi zamanǵa saı jańartyp, arnaıy synyptardy jańa tehnologııalarmen jab­dyqtaýdy maqsat etken óńirlik jo­baǵa kóbine qalalyq jáne qalalarǵa jaqyn ornalasqan bilim mekemeleri enip otyr­ǵanyn aıtý kerek. Shaharlardyń bıýdjeti jetkilikti. Onsyz da qysqa jibi kúrmeýge kelmeıtin aýdandarǵa óńir­lik baǵdarlamany tolyǵymen bu­ryp, aýyl mektepterin, onyń ishinde shaǵyn jınaqty mektepterdi jańar­tatyn ýaqyt jetken syńaıly. Aýyl jurtynyń suraýy da osy.

 

Pavlodar oblysy

Sońǵy jańalyqtar

TOP-10 eldiń qatarynda

Sport • Búgin, 07:30

Jetinshi fınalynda jol berdi

Tennıs • Búgin, 07:27

Álem kýboginde oljaly boldy

Sport • Búgin, 07:23

Sákenniń SMart mektebi

Qoǵam • Búgin, 07:22

Jurtpen júzdesip, nysandardy aralady

Aımaqtar • Búgin, 07:18

Jumyspen qamtýǵa septigin tıgizedi

Qoǵam • Búgin, 07:17

Qoqys ortasynda qalǵan eldi meken

Aımaqtar • Búgin, 07:15

Salyqtan jaltaryp júr

Qarjy • Búgin, 07:13

О́zgeristi ózińnen basta

Pikir • Búgin, 07:12

Reformalardyń zańdy jalǵasy

Pikir • Búgin, 07:08

Jańashyldyqqa betburys

Pikir • Búgin, 07:07

Jolaýshylar aǵyny úsh ese artqan

Aımaqtar • Búgin, 07:05

Maqtashyny mazalaıtyn másele

Ekonomıka • Búgin, 07:00

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

Uqsas jańalyqtar