Qoǵam • 16 Tamyz, 2022

«Halal» dep aldap kelipti

51 ret kórsetildi

Kerekýlik jurt dúkennen «musylman shujyǵyn» satyp alýǵa qorqyp otyr. Sanıtarlyq-epıde­mıolo­gııalyq qyzmet mamandary pisirilgen shujyq ónimderinen shoshqa eti­niń genin taýyp alǵan. Dúken sórelerindegi et konser­vilerinen alynǵan synamalar 6 birdeı óndirýshiniń fırmalyq taýarynan halal standartyna saı emes DNQ-ny anyqtaǵan.

О́ńirlik sanıtarlyq-epı­de­mıologııalyq baqylaý de­par­tamenti habarlaǵandaı, bar­lyq sanıtarlyq-zertteý sharalary Pavlodar qalasynda júrgizilipti. Halal emes et ónimderi pisken shujyq pen shujyqshalarda (sosıska) jáne konservi ónimderinen tabylǵan. Jyl basynan beri mekeme mamandary 26 ónimnen synama alyp, quramyndaǵy azyqtyq zattardy tekserip kórgen. Etten jasalǵan ónimderdiń syrtyndaǵy jazbasha málimet kóp jaǵdaıda ishki quramymen sáıkes kelmeı, mamandar qaıta-qaıta tekseris jasap, sońynda kemshilikterdi dáleldep bergen.

Máselen, О́skemendegi «Ulan» et-konservi zaýytynda shyǵa­rylǵan buqtyrylǵan jylqy etin­de taýyq pen sıyr etteriniń DNQ-sy anyqtalǵan. Mamandar álgi konservide kórsetilgen jazýdan bólek bóten zattar bol­maýǵa tıis dep sanaıdy. Budan soń Reseıdiń Smolen oblysyndaǵy «Vıazmamıasoprodýkt» JShQ-synda óndirildi dep tanylǵan et konservisinde de taýyq eti ushyrasypty.

– Eń soraqysy, Reseıden tu­raq­ty jetkiziletin, tutyný­shylar arasynda tanymal bolǵan konservilerde shoshqa etiniń geni kezdesti. Atap aıtqanda, Kalınıngrad oblysyndaǵy KMPZ «BALTPROMMIаSO» JShQ-da shyǵarylyp, osynda ákep satylatyn «Buqtyrylǵan tabıǵı jylqy eti» kesektelgen et konservisinde jáne Vladımır oblysynda óndirilgen dep kórsetilgen «Molochnye dlıa zav­traka» shujyqshasynda halal standartynda bolmaýǵa tıis shosh­qanyń dezoksırıbonýkleın qyshqyly (DNQ) tabyldy. Budan basqa otandyq «Ishtaev A.A.» jeke kásipkerligi shyǵarǵan «In­deıka» jáne «Konskaıa» musyl­man shujyqtarynda da osyndaı keleńsizdikter tirkeldi, – de­lin­gen departament taratqan málimette.

Qıturqy iske barǵan «Ishtaev A.A.» jeke kásipkerligin izdep kórdik. Bul kásiporyn «A.D.A.L.» fırmalyq ataýymen málim eken, Jambyl oblysyndaǵy Ta­raz qalasynda ornalasqan. О́ki­nish­ke qaraı, resmı saıtynda kórsetilgen telefondarynyń barlyǵy óship jatyr. Sondyqtan habarlasý múmkin bolmady.

Halal emes shujyqtardyń «jyry» Pavlodarda birinshi ret kezdesip otyrǵan jaǵdaı emes. Osydan birer jyl buryn «Sapa» tutynýshylardyń quqyqtaryn qorǵaý ulttyq qoǵamy» qoǵamdyq birlestigi jergilikti «Rýbıkom» JShS-nyń jartylaı qaqtalǵan «Dastarhan» shujyǵynan da shoshqa maıyn anyqtaǵan. Et-konservi ónimderin shyǵarýmen aınalysatyn kásiporyndar keı ýaqytta osyndaı kemshilikke jol berip, tutynýshylardyń nalasyna qalyp jatady.

Oblystyq sanıtarlyq-epı­de­mıologııalyq baqylaý depar­tamentiniń basshysy Batyr­bek Álıev jyl basynan beri anyqtalǵan kemshilikter bo­ıynsha oqıǵanyń ári qaraı qalaı órbigeni týraly qosymsha aqpa­rat berýden bas tartyp otyr. Estýimizshe, keıbir fırma­lar alynǵan synamalardyń nátıjesin joqqa shyǵarý ba­ǵytynda shaǵymdanyp jatqan kórinedi.

 

Pavlodar oblysy

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar