Atap aıtqanda, Ishki ister mınıstrliginiń Qostanaı akademııasy men Aqtóbe zań ınstıtýtynyń basshylyǵy sapaly, tıimdi oqý jáne oqý-ádistemelik jumysty qamtamasyz etpegen. Tekserý nátıjesi memlekettik jalpyǵa mindetti standarttardyń saqtalýy boıynsha tıisti baqylaý júzege asyrylmaǵanyn kórsetti. Sonymen qatar oqý-ádistemelik prosesti uıymdastyrý, oqý oryndary bólimsheleriniń jumysyn úılestirý tıisti deńgeıde qalyptaspaǵan.
Qostanaı akademııasy jáne Aqtóbe zań ınstıtýtynyń basshylyǵy jumystaǵy olqylyqtary men kemshilikteri úshin Ishki ister mınıstri M. Ahmetjanovtyń buıryǵymen jaýapqa tartyldy. Qazaqstan Respýblıkasy IIM Sh. Qabylbaev atyndaǵy Qostanaı akademııasy bastyǵynyń orynbasary Aqan Nuryshevtiń qyzmetke tolyq sáıkes emestigi eskertildi. Qazaqstan Respýblıkasy IIM M. Bókenbaev atyndaǵy Aqtóbe zań ınstıtýtynyń bastyǵy Altaı Baısultanovqa qatań sógis jarııalandy.
