Qazaqstan • 19 Tamyz, 2022

Qazaqstannyń eki qalasynan Vetnamǵa áýe reısteri qatynaıdy

37 ret kórsetildi

Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdi Vetnam Sosıalıstik Respýblıkasyna resmı saparmen bardy, dep habarlaıdy Egemen.kz vedomstvo saıtyna silteme jasap.

Qazaqstannyń Syrtqy ister mınıstriniń bul elge sapary eki memleket arasynda dıplomatııalyq qatynastar ornaǵannan beri 30 jyl ishinde alǵash ret bolyp otyr. Hanoıǵa sapardyń resmı bóligi Ho Shı Mın kesenesine gúl shoqtaryn qoıý rásiminen bastaldy.

Sapardyń maqsaty – sońǵy onjyldyqtar ishinde álemdegi eń joǵary ekonomıkalyq damý qarqynymen erekshelenetin dástúrli dostas elmen seriktestik qatynastardy odan ári damytý.

M. Tileýberdi VSR Syrtqy ister mınıstri Býı Than Shonmen kelissózder ótkizip, onyń barysynda taraptar saıası, saýda-ekonomıkalyq, ınvestısııalyq jáne mádenı yntymaqtastyq máseleleriniń keń aýqymyn talqylady. Eki eldiń kópjosparly yntymaqtastyǵyna jańa serpin berýge, perspektıvada birtindep artyqshylyqty ekonomıkalyq áriptestik deńgeıine shyǵýǵa nıet bildirdi. Vetnam qazan aıynda Nur-Sultan qalasynda ótetin AО́SShK sammıtine joǵary deńgeıde qatysatynyn rastady.

Vetnam Prezıdenti Ngýen Sýan Fýkpen kezdesýde SIM basshysy Vetnamda júrgizilip jatqan reformalardyń qarqyny men sapasyn joǵary baǵalap, Qazaqstandy jańǵyrtýdyń jańa kezeńiniń mazmunymen tanystyrdy.

Eki el arasyndaǵy saıası yntymaqtastyqtyń damý dınamıkasyn eskere otyryp, M. Tileýberdi joǵary deńgeıdegi ekijaqty baılanystardyń jandanýyn jaqtady. Suhbat barysynda Ngýen Sýan Fýk Prezıdent Qasym-Jomart Toqaevtyń Vetnamǵa aldaǵy resmı saparyn mazmundy tolyqtyrý jóninde tapsyrma berdi.

Vetnam Premer-Mınıstri Fam Bın Tınmen kezdesý ekijaqty qarym-qatynastardyń ekonomıkalyq kún tártibine arnaldy. Taraptar ózara saýda men ınvestısııalardyń ósýine, ekonomıkanyń túrli sektorlarynda kooperasııany damytýǵa baǵyttalǵan maqsatty kúsh-jigerdiń qajettigin atap ótti.

Sondaı-aq, M. Tileýberdi ónerkásip jáne saýda mınıstri Ngýen Hong Dıenmen kelissózder júrgizdi, onda qyrkúıekte Hanoı qalasynda ótetin aldaǵy úkimetaralyq komıssııa otyrysynyń taqyryby talqylandy.

Qazaqstan delegasııasynyń quramynda bolǵan «Astana» halyqaralyq qarjy ortalyǵynyń basqarýshysy Qaırat Kelimbetov Vetnamnyń Qarjy mınıstrliginiń, Vetnamnyń damý bankiniń, sondaı-aq POCO kompanııasynyń basshylyǵymen kezdesýler ótkizip, olardyń barysynda qarjy jáne ınvestısııalar salasyndaǵy yntymaqtastyqtyń perspektıvalyq baǵyttaryn talqylady.

Sapar aıasynda M. Tileýberdi Qazaqstanmen ınvestısııalyq yntymaqtastyq múmkindikterin zertteıtin vetnamdyq kompanııalardyń basshylarymen birqatar kezdesý ótkizdi.

«Crystal Bay» kompanııasy dırektorlar keńesiniń tóraǵasy Ngýen Dyk Chımen áńgime barysynda týrıstik saladaǵy yntymaqtastyq máseleleri talqylandy. «Duc Giant Chemicals Group» korporasııasynyń basshysy Dao Hyı Hýen hımııa ónerkásibindegi yntymaqtastyq múmkindikterine qyzyǵýshylyq tanytty.

«Thai Binh Seed» Vetnamdaǵy kúrish ósirý salasyndaǵy jetekshi ınstıtýttyń bas dırektory Chan Man Bao Vetnamda ósiriletin, az mólsherde sýarýdy qajet etetin kúrishtiń jańa sorttarynyń tıimdiligi týraly aıtty.

«Vietjet» áýe kompanııasynyń vıse-prezıdenti Ngýen Than Hýngpen Qazaqstan men Vetnam arasyndaǵy tikeleı áýe qatynasyn ashý máseleleri talqylandy. Osy jyldyń qazan aıynan bastap Almaty - Nıachang jáne Nur-Sultan - Nıachang baǵyttary boıynsha reıster iske qosylady.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar