Qoǵam • 19 Tamyz, 2022

«AMANAT» sheneýnikterdi jaýapkershilikke tartady

108 ret kórsetildi

«AMANAT»-tyń Partııalyq baqylaý komıteti jergilikti jerdegi sheneýnikterdi baǵanyń ósýine baılanysty jaýapkershilikke tartýdy tapsyrdy, dep habarlaıdy Egemen.kz.

Búgin «AMANAT»-tyń Ortalyq apparatynda Partııalyq baqylaý komıtetiniń otyrysy ótti. Otyrys barysynda partııalyqtar 216 qoǵamdyq toptyń áleýmettik mańyzy bar azyq-túlik baǵalaryna júrgizilgen monıtorıng nátıjesin qarady.

29 shilde men 12 tamyz aralyǵynda «AMANAT» partııasynyń monıtorıng toptary elimizdiń barlyq óńirleri men aýdandaryndaǵy 2522 nysanda 1200-den astam reıd júrgizdi. Sonyń nátıjesinde 77 zań buzý faktisi anyqtalyp, túıtkildi máseleler aıqyndaldy.

Áleýmettik mańyzy bar taýarlardyń 19 túri boıynsha Úkimet bekitken shekti baǵanyń óreskel ósimi 10 óńirde: Nur-Sultan jáne Almaty qalalarynda, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Mańǵystaý jáne Soltústik Qazaqstan oblystarynda baıqalyp otyr.

Partııalyq baqylaý komıtetiniń tóraǵasy, Májilistegi «AMANAT» fraksııasynyń múshesi Artýr Platonov atap ótkendeı, ótken aptada makaron ónimderiniń, pııaz jáne qyryqqabat baǵasyn kóterý úrdisi saqtalyp otyr. Sonymen qatar, kóp aımaqta un, sábiz, qaraqumyq jarmasy men kartop baǵasy qymbat. Nur-Sultan men Almatyda taýyq jumyrtqasynyń baǵasy belgilengen mólsherden 30% joǵary saýdalanýda.

«Máselen, Mańǵystaý oblysynda úsh apta boıy qyryqqabat baǵasy shekti baǵadan 100%, sábiz – 55-60%, kartop – 30-36% qymbat bolyp otyr. Aqtaýdaǵy iri sýpermarketterdiń sóresinde qant joq. Biraq qoımalarda bar. Keıbir saýda oryndarynda sóredegi baǵa men kassadaǵy baǵanyń aıyrmashylyǵy anyqtaldy. Al dúkenderdiń birinde qant satylatyn ýaqyt kestesi ashyq ilinip tur. Mundaı jaǵdaı halyqtyń narazylyǵyn týdyrady», dedi Artýr Platonov.

О́z kezeginde, Ulttyq ekonomıka vıse-mınıstri Abzal Ábdikárimov Úkimet 2024 jylǵa deıin ınflıasııany baqylaý jáne tómendetý boıynsha sharalar keshenin iske asyryp jatqanyn atap ótti. Osy maqsatta, ishki naryqtaǵy otandyq taýarlardyń úlesin arttyrý boıynsha jumys júrgizilýde. Taýarlardy saqtaý jáne tasymaldaý, bólshek saýdany qoldaý máselesi erekshe baqylaýǵa alyndy. Sharalar kesheninde barlyǵy 70-ke jýyq is-shara bar.

Saýda jáne ıntegrasııa vıse-mınıstri Erlan Battaqovtyń málimetinshe, «aınalym shemasy» quralyn iske asyrý jumysy jalǵasyp jatyr. Búginde jergilikti bıýdjetten 86,4 mlrd. teńge bólindi. Kásipkerlerge qaryzǵa 60,8 mlrd. teńge baǵyttaldy. Osy qarajatqa shamamen 220 myń tonna áleýmettik mańyzy bar azyq-túlik taýary aınalymǵa engizildi.

Partııalyq baqylaý komıtetiniń tóraǵasy anyqtalǵan máselelerdiń naqty sebepterge baılanysty ekenin atap ótti. Alaıda ortalyq jáne jergilikti memlekettik organdar tarapynan qadaǵalaý men jedel is-qımyl júrgizý jumystarynyń jetkiliksizdigin, sondaı-aq sybaılas jemqorlyq táýekelderi oryn alǵanyn jetkizdi.

Otyrys qorytyndysy boıynsha, Partııalyq baqylaý komıteti óńirlik fılıaldarǵa jergilikti jerlerdegi birqatar memlekettik qyzmetshilerdi jumystaǵy olqylyqtary úshin partııalyq jaýapkershilikke tartýdy tapsyrdy.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Uqsas jańalyqtar