«Janar-jaǵarmaı baǵasynyń negizsiz ósýine baılanysty tıisti sharalar qabyldaýdy qamtamasyz etý qajet. Osyǵan oraı Roman Sklıardyń basshylyǵymen baǵany baqylaý jáne janar-jaǵarmaı tapshylyǵyn boldyrmaý jónindegi turaqty komıssııa qurýdy tapsyramyn. Ulttyq ekonomıka mınıstrligi Básekelestikti qorǵaý agenttigimen jáne ákimdiktermen birlese otyryp, baǵanyń negizsiz ósýine qatysty tıisti sharalardy qabyldaýdy qamtamasyz etýi tıis», dedi Úkimet basshysy.
Sondaı-aq Indýstrııa jáne ınfraqurylymdyq damý mınıstrligine, «Qazmunaıgaz» jáne QTJ kompanııalaryna munaı óńdeý zaýytynan munaı ónimderin ýaqytyly jóneltý boıynsha sharalar qabyldaý tapsyryldy.
«Sonymen qatar Sıfrlyq damý jáne Energetıka mınıstrlikteri dızel otynyn jetkizýdiń táýliktik lımıtterin baqylaýdyń aqparattyq júıesin engizýdi jedeldetýi kerek. Egin jınaý naýqany kezinde Energetıka mınıstrligi oblys ákimdikterimen birlesip, sharýalardy janar-jaǵarmaımen ýaqytyly qamtamasyz etý máselesin turaqty baqylaýda ustaýy qajet. Aýyl sharýashylyǵy mınıstri egin jınaý barysyn kúndelikti baqylaýdy jalǵastyrýy tıis», dedi Á. Smaıylov.
