«Et baǵasyna qatysty toqtalsam, qazir et óndirisiniń kólemi turaqty, artyp ta keledi. Eksportqa da shyǵarylýda. Jaǵdaı turaqty. Mal basy da arta túsýde. О́ńdelgen ettiń shetelge eksport kólemi de ulǵaıýda. Sondyqtan jaǵdaı turaqty. Eger qarasańyzdar, baǵa ósimi bar. Iаǵnı, janarmaıdan bastap mal sharýashylyǵynyń shyǵyndary artyp otyr. Qajetti dúnıeniń bárine baǵa ósip keledi. Osyǵan baılanysty birshama qymbattaýy múmkin», dedi mınıstr BAQ ókilderine.
Onyń aıtýynsha, mal sharýashylyǵynyń kiristilik deńgeıi birkelki saqtalýy tıis. Eger olar shyǵynǵa batsa, onda ettiń qajetti kólemi de soǵan saı baǵa da bolmaıdy.
«Qazirgi ýaqytta baǵany boljaý qıyn. Baǵaǵa boljam jasaǵan kezde birneshe faktordy eskergenimiz jón. Birinshi faktor - mal basy. Bizde mal basy turaqty artyp kele jatyr. Ekinshi másele - qarjylandyrý. Negizinen ettiń qatty qymbattap ketýine negiz joq», dep qosty Erbol Qarashókeev.
