Ashat Aımaǵambetov mektepterdiń tehnıkalyq jaraqtandyrylýy men onyń sapasy týraly aıta kele, jergilikti atqarýshy organdar bilim berý uıymdaryn beınekameralarmen 100 paıyz qamtý týraly esep beretinin atap ótti. Biraq tekserý barysynda eleýli kemshilikter anyqtaldy. Barlyq kameralar jumys istemeıdi, keıbir qala mektepteri OSK-ǵa qosylmaǵan. Sondaı-aq ol kameralardyń sany emes, kamera derekterimen qansha balanyń qamtylǵany mańyzdy ekenin aıtty.
Sondaı-aq QR BǴM baspasóz qyzmetiniń habarlaýynsha, jańa oqý jyly qarsańynda Oqý-aǵartý mınıstrligi Ishki ister mınıstrliginiń ókilderimen birlesip, mektep oqýshylarynyń qaýipsizdigi boıynsha sabaq ótkizedi. Olarǵa bilim berý uıymdarynyń da, quqyq qorǵaý organdarynyń da ókilderi qatysady.
«Qyrkúıek aıynyń basynan bastap mektepterge 5 myńnan astam polısııa qyzmetkeri kelip, aldyn alý maqsatynda qajetti sabaqtar ótkizedi. Bul jumysqa muǵalimder, mektep dırektorlary belsene qatysady. Oqý jylynyń basynda ishki ister organdarynan mektep janyndaǵy kezekshilikti kúsheıtip, qajet jerlerge arnaıy jol belgilerin ornatyp, aldyn alý sharalaryn júrgizýdi suraımyz. Biz barlyq mektep avtobýstaryn, sondaı-aq qaýipsizdik júıelerin tekserýdi aıaqtaýymyz kerek. Bul jumysty birlesip aıaqtaımyz dep oılaımyn», dedi Ashat Aımaǵambetov.
Ishki ister mınıstri Marat Ahmetjanov vedomstvonyń barlyq jeke quramy mektep oqýshylary arasynda túsindirý jumystaryn júrgizetinin atap ótti. Mektep oqýshylaryna olardyń quqyqtary men mindetteri túsindirilip, quqyq buzýshylyqtyń aldyn alý, tótenshe jaǵdaılarda qalaı áreket etý kerektigi aıtylady. Sondaı-aq ol elordalyq mektep-gımnazııalardyń birine baratynyn atap ótti.
