«Osy jyldyń 1 tamyzynda Sybaılas jemqorlyqqa qarsy qyzmettiń usynysy boıynsha QR Medısınalyq jáne farmasevtıkalyq baqylaý komıteti tóraǵasynyń buıryǵymen óz laýazymdyq mindetterin tıisinshe oryndamaǵany úshin Komıtettiń Shymkent qalasy boıynsha departamenti basshysynyń orynbasary Dýlat Turmanov qyzmetinen bosatyldy. Al 3 tamyzda Komıtettiń Shymkent qalasy boıynsha departamentiniń basshysy Seıitjamal Pakeev vedomstvolyq baqylaýdyń joqtyǵy úshin «sógis» túrinde tártiptik jaýapkershilikke tartyldy», delingen ANTIKOR habarlamasynda.
Aıta ketsek, osy jyldyń shildesinde sot úkimimen basshynyń orynbasary Turmanov birqatar tulǵadan klınıkalyq praktıkaǵa jiberýge maman sertıfıkatyn bergeni úshin jalpy somasy 60 myń teńge kóleminde para alǵany úshin kináli dep tanylǵan. Oǵan 20 mıllıon teńge kóleminde aıyppul salyndy.
