Jyl saıynǵy konferensııaǵa QR Bilim jáne ǵylym vıse-mınıstri Ǵanı Beısembaev, Nur-Sultan qalasy ákiminiń orynbasary Eset Baıken, elordalyq Bilim basqarmasynyń basshysy Qasymhan Senǵazıev, sondaı-aq pedagogter, ata-analar, ortalyq jáne jergilikti memlekettik organdardyń ókilderi qatysty.
«5 jyl ishinde 72-ge jýyq mektep salý jáne paıdalanýǵa berý josparlanýda. О́ıtkeni, qazirgi ýaqytta negizgi suranystardyń biri - mektepter sanyn kóbeıtý. Tamyz konferensııasynda muǵalimderdi daıarlaý máselesi talqylandy. Bıyl Nur-Sultan qalasynyń ákimi Altaı Kólginovtiń tapsyrmasy boıynsha pedagogıkalyq mamandyqtar boıynsha joǵary bilim alýǵa 1300 grant bólý tapsyryldy», dedi qala ákiminiń orynbasary Eset Baıken.
Elordalyq bilim basqarmasynyń basshysynyń aıtýynsha, bıyl qala mektepterinde jańa ózgerister engiziledi.
«Jańa oqý jylynda biz elordanyń barlyq mektepterinde shahmat klýbtary men úıirmelerin ashamyz. Shahmat federasııasymen birlesip týrnırler ótkizip, mektep jattyqtyrýshylaryn oqytatyn bolamyz. Taǵy bir jańalyq – dombyra úıirmesiniń ashylýy, oqýshylar arasynan dombyra orkestriniń qurylýy. Bul oqýshylardyń shyǵarmashylyq áleýetin damytýǵa, balalardyń estetıkalyq tárbıesine jaǵdaı jasaýǵa, qazaq halqynyń tarıhyna, salt-dástúrlerine degen súıispenshilikti oıatýǵa múmkindik beredi», dedi Qasymhan Senǵazyuly.
Konferensııa sońynda pedagogterge «Meıirim - álemge mahabbatpen», «Eńbek sińirgen bilim qyzmetkeri», «Eńbek ardageri» tósbelgileri tabystaldy.
