Otyrysqa Parlament Senatyna saılanǵan depýtattar jáne beınekonferensııa baılanysy rejiminde Abaı, Jetisý jáne Ulytaý oblystarynyń aýmaqtyq saılaý komıssııalary qatysty.
Otyrysty ashqan komıssııa tóraǵasy Nurlan Ábdirov «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańǵa sáıkes Parlament depýtatynyń ókilettigi ony Ortalyq saılaý komıssııasy Parlament depýtaty retinde tirkegen kezden bastalatynyn atap ótti.
«Qazaqstan Respýblıkasyndaǵy saılaý týraly» Konstıtýsııalyq zańǵa sáıkes Ortalyq saılaý komıssııasy Parlamenttiń saılanǵan depýtattaryn tirkeýdi júrgizedi jáne árbir depýtatqa belgilegen úlgidegi kýálik pen omyraýǵa taǵatyn belgini tabys etedi.
Osyǵan baılanysty «Qazaqstan Respýblıkasyndaǵy saılaý týraly» Konstıtýsııalyq zańnyń 12, 45, 46 jáne 82-baptaryna jáne «2022 jylǵy 24 tamyzda ótkizilgen Abaı, Jetisý jáne Ulytaý oblystarynan Parlament Senatynyń depýtattaryn saılaýdyń qorytyndylaryn anyqtaý jáne jarııalaý týraly» Qazaqstan Respýblıkasy Ortalyq saılaý komıssııasynyń 2022 jylǵy 26 tamyzdaǵy № 56/526 qaýlysyna sáıkes «2022 jylǵy 24 tamyzda Abaı, Jetisý jáne Ulytaý oblystarynan saılanǵan Qazaqstan Respýblıkasy Parlamenti Senatynyń depýtattaryn tirkeý týraly» qaýly qabyldandy.
Qaýlyǵa sáıkes Senatqa 6 depýtat tirkeldi. Onyń ishinde: 3 depýtat 2017 jylǵy 28 maýsymda saılanǵan depýtattardyń ókilettik merzimine, 3 depýtat 2020 jylǵy 12 tamyzda saılanǵan depýtattardyń ókilettik merzimine tirkeldi. Onyń ishinde, Abaı oblysynan Baıahmetov Baqytjan Kákenqadjauly, 2017 jylǵy 28 maýsymda saılanǵan depýtattardyń ókilettik merzimine; Arǵynbekova Aınur Serikpaıqyzy, 2020 jylǵy 12 tamyzda saılanǵan depýtattardyń ókilettik merzimine tirkeldi. Jetisý oblysynan Tolamısov Amangeldi Ǵabdylkárimuly, 2017 jylǵy 28 maýsymda saılanǵan depýtattardyń ókilettik merzimine; Sarybaev Ǵalıasqar Tólendiuly, 2020 jylǵy 12 tamyzda saılanǵan depýtattardyń ókilettik merzimine, al Ulytaý oblysynan Medebaev Sovetbek Tursynuly, 2017 jylǵy 28 maýsymda saılanǵan depýtattardyń ókilettik merzimine; Shaıdarov Serik Jamanqululy, 2020 jylǵy 12 tamyzda saılanǵan depýtattardyń ókilettik merzimine tirkeldi.
Sondaı-aq Ortalyq saılaý komıssııasynyń tóraǵasy Nurlan Ábdirov Parlament Senatynyń tirkelgen depýtattaryna kýálikter men omyraýǵa taǵatyn belgilerin tabys etip, saılanǵan depýtattarǵa respýblıkanyń zań shyǵarý bıligin júzege asyratyn joǵary ókildi organdaǵy qyzmetterine tabys tiledi.
