«Parlament Májilisiniń depýtaty Andreı Grıgorevıch Lınnık depýtattyq ókilettigin merziminen buryn toqtatý týraly ótinish bergen. Osyǵan baılanysty Qazaqstannyń Ortalyq saılaý komıssııasy QR Konstıtýsııasynyń 52-babyna jáne «Parlament jáne onyń depýtattarynyń mártebesi týraly» QR Konstıtýsııalyq Zańynyń 24-babynyń 3 jáne 8-tarmaqtaryna sáıkes depýtattyń ókilettigin merziminen buryn toqtatý týraly máseleni sheshý úshin usynys engizdi», dedi komıssııa múshesi Shavhat О́temisov.
Otyrysqa 99 depýtat qatysty, barlyǵy bul sheshimdi bir aýyzdan maquldady.
Andreı Lınnıkke depýtattyq korpýstyń alǵys haty tabys etildi.
Andreı Lınnık 1974 jyly 22 naýryzda Jambyl oblysy Novo-Voskresenovka aýylynda dúnıege kelgen.
«Salyq quqyǵy, salyqtyq tergeý» mamandyǵy boıynsha Qazaq memlekettik basqarý akademııasyn, sondaı-aq «menedjment» mamandyǵy boıynsha Halyqaralyq bıznes akademııasyn jáne Almaty menedjment ýnıversıtetin «iskerlik ákimshilik etý» mamandyǵy boıynsha támamdaǵan.
Eńbek ótili:
Jeke kásipker (1993-2003);
«Almalybaq» ÁKK tóraǵasynyń orynbasary, Almaty q. (2004-2009);
«Gazprom neft-Kazahstan» JShS dırektorynyń orynbasary, Almaty q. (2009-2012);
«Forpost - ınvestısıı ı razvıtıe» JShS Bas dırektorynyń orynbasary, Astana q. (2012-2014);
«Forpost - ınvestısıı ı razvıtıe» JShS Bas dırektory, Astana q. (2014-2018);
«ASPARA MUNAY» JShS Bas dırektory, Almaty q. (2018-2021)
Saılanbaly qyzmetteri, depýtattyq:
«Aq Jol» DP QR Parlamenti Májilisiniń depýtattyǵyna kandıdat (05.02.2016, 04.12.2020),
Qazaqstan Respýblıkasy Parlamenti Májilisiniń VII shaqyrylymynyń depýtaty,
Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń múshesi (14.01.2021-07.09.2022)
