Memleket basshysynyń 1 qyrkúıektegi Qazaqstan halqyna Joldaýynda aıtylǵan tapsyrmalardy oryndaý úshin 2023 jylǵy 1 qańtardan bastap memlekettik járdemaqy jáne Memlekettik áleýmettik saqtandyrý qorynan (MÁSQ) bir jarym jasqa deıingi bala kútimi boıynsha áleýmettik tólem tóleý merzimderi ulǵaıtylady. Ana men balany qoldaýdyń osy jáne basqa da sharalary QR Áleýmettik kodeksiniń jobasynda qarastyrylady.
Áleýmettik kodeks jobasynda qoldanystaǵy memlekettik járdemaqylar men áleýmettik tólemder tolyq saqtalǵanyn atap ótý qajet. Sonymen qatar, qujatta balaly otbasylardy memlekettik deńgeıde áleýmettik qoldaýdy jaqsartatyn kelesi normalar qarastyrylǵan:
«Birinshiden, bala kútimine baılanysty tabysynan aıyrylǵan jaǵdaıda Memlekettik áleýmettik saqtandyrý qorynan bala kútimi boıynsha memlekettik járdemaqy jáne áleýmettik tólem tóleý merzimderi bir jyldan bir jarym jylǵa deıin ulǵaıtylatyn bolady», delingen vedomstvo habarlamasynda.
Bul rette, MÁSQ-ten tólem alýshy jumysqa erte shyqqan jaǵdaıda, onyń mólsheri memlekettik járdemaqy deńgeıinde saqtalady.
Jumys berýshilerdiń olardyń qyzmetkerleri úshin MÁSQ-ke áleýmettik aýdarymdar mólsherlemesiniń mólsheri ózgerissiz qalatynyn atap ótý qajet.
«Ekinshiden, bala týylǵanǵa deıingi sońǵy 2 jylda áleýmettik saqtandyrý júıesine 6 aıdan az ýaqyt qatysqan ata-analar jumys istemeıtin adamdarmen qatar respýblıkalyq bıýdjetten tólenetin bala kútimi boıynsha memlekettik járdemaqy alatyn bolady.
Úshinshiden, áleýmettik ádilettilikti ornatý úshin nagradtalǵan analarǵa beriletin járdemaqynyń mólsheri saralanady. Máselen, «Altyn alqa» alqasymen nagradtalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen nagradtalǵan analar úshin járdemaqy mólsheri 6,4 AEK-ten 7,4 AEK-ke deıin ulǵaıtylady», delingen habarlamada.
Sondaı-aq 6 jáne 7 jáne odan da kóp bala týyp, tárbıelegen analar birdeı járdemaqy alady.
