Oblystyq tarıhı-mádenı murany qorǵaý jáne paıdalaný ortalyǵynyń qyzmetkerleri ár tóbesiniń astynda kóne tarıhtyń kómbesi buǵyp jatqan Býrabaı óńirin barlaǵan. Shynyn aıtýymyz kerek, bul jerlerdiń basym bóligi aýyl sharýashylyǵy maqsatynda paıdalanylýda. Kezinde talaı qundy dúnıeniń qurdymǵa ketkeni de ras. Kóneniń kózin, arydaǵy jurttyń izin barlaǵan ýaqytta bul aýmaqta «Regıon dorstroı» seriktestigine bólingen jerden at basyndaı olja tabylady dep kim oılaǵan. Áýeli ortalyq qyzmetkerleri Jańajol aýylynyń mańynda jıdek terip júrgen adamdarmen tildesken. Olar osy mańda tylsym tarıhtyń tunyq syry buǵyp jatqan jer kezigýi múmkin dep jón siltese kerek. Der shaǵynda taýypty, áıtpese, jeti qat jerdiń astyndaǵy qundy jádigerlerdiń tabıǵı jáne antropogendik sebepterdiń áserinen joıylyp jatqany da jasyryn syr emes qoı.
– Zertteý barysynda qorǵandaǵy shuńqyrdan temir dáýirinde kún keshken saq jaýyngeriniń máıiti tabyldy. Janynan dóńes tireýishteri bar aýyzdyq, júgendi áshekeılegen árqıly buıymdar, súıekten jasalǵan zattar tárizdi jádigerler shyqty. Qustyń basy tańbalanǵan, kún qudaıynyń belgisi kóshirilgen japsyrmalar da bar. Qanjar, pyshaq, tasqaıraq, on dana saq-skıftik úlgidegi jebeniń ushtary, qysqa qylysh ta ǵalymdar nazaryn aýdaryp otyr, – deıdi ortalyq dırektory Jasulan Ýkeev.
Tabylǵan jádigerler tolyq zerdelenip, zerttelgennen keıin oblystyq tarıhı-ólketaný mýzeıine tapsyrylmaq.
Aqmola oblysy
