Esterińizge sala keteıik, Qostanaı oblysyndaǵy tótenshe jaǵdaıǵa baılanysty Nur-Sultan qalasynyń Dostyq úıi (B.Momyshuly, 24/9) órtten zardap shekkenderge gýmanıtarlyq kómek jınaý shtabyn ashty. Gýmanıtarlyq kómek tirshilikti qamtamasyz etý júıelerin, qıraǵan úıler men ınfraqurylymdy qalpyna keltirýge baǵyttalady.
«Biz, Qazaqstan halqy assambleıasy Qostanaı oblysynyń turǵyndaryna kómektesýdi ózimizdiń azamattyq paryzymyz dep sanaımyz, jerlesterimizdi saýapty iste shet qalmaýǵa jáne qoldan kelgenshe kómek kórsetýge shaqyramyz. Biz ortaq ıgi iske óz úlesimizdi qosýǵa daıynbyz!», delingen elordalyq Assambleıanyń habarlamasynda.
