Atap aıtqanda, keshe partııa músheleri 312 tonna, al búgin 495 tonna kómek jınady, onyń 338 tonnasy – azyq-túlik. Sondaı-aq jyly kıim, jeke tazalyq quraldary, tósek-oryn jabdyqtary, turmystyq tehnıka jáne qurylys materıaldary jiberildi.
«Tótenshe jaǵdaı oryn alǵan sátten bastap «AMANAT» partııasy kómek qolyn sozýǵa kirisip ketti. Partııa músheleri zardap shekken turǵyndarǵa tikeleı sol jerde qoldan kelgen kómek kórsetip jatyr. Oqıǵa ornyna «Jastar Rýhy» jastar qanatynyń 300-den astam volonteri bardy. Olar gýmanıtarlyq kómekti júk kólikterinen túsirýge jáne taratýǵa járdemdesýde. Munyń bári qazaqstandyqtardyń birligin, olardyń óz otandastaryna kómek kórsetý úshin judyryqtaı jumyla alatynyn dáleldeıdi. Zardap shekkender tezirek qalypty ómirine oralýy úshin jáne jańa baspanalar salý úshin kúsh-jiger jumyldyrý qajet. Osy ortaq mindetti birlesip atqarýǵa «AMANAT» partııasy da belsene atsalysady», dedi Dáýlet Káribek.
О́z kezeginde Májilis depýtaty, «AMANAT» fraksııasynyń múshesi Elnur Beısenbaev partııa músheleri men «Jastar Rýhy» belsendileriniń daǵdarys jaǵdaıynda volonterlik tájirıbesi mol ekenin atap ótti.
