«Aǵaıyndylar» fılmi Germanııada kórsetiledi

Oldenbýrgtegi halyqaralyq tá­ýelsiz kıno festıvali – álemdegi je­tekshi ındı festıvalderdiń bi­ri, ony «Eýropalyq Sandans» dep te ataıdy. Aıtýly kınofo­rým bú­­kil álem­niń táýelsiz kınemato­gra­fıs­teriniń shyǵarmashylyǵyn qol­daýǵa baǵyttalǵan.

«Oldenbýrgtegi festıvalde res­mı konkýrstyq baǵdarlama joq, degenmen júldeler men premeralar bar. Munda bastysy – básekelestik emes, tájirıbe almasý. Festıvalge bir qatysqan úmitkerler bizge qaıta- qaı­ta oralǵysy kelip turady», – deı­di festıval dırektory Torsten Noı­man.

«Aǵaıyndylar» fılmi balalar úıi túleginiń ómiri týraly baıandaıdy. Bas keıipker Aqjol qylmystyq álemge tartylyp, inisiniń bar ekenin bilmeıdi. Aǵaıyndy qos jigit kezdes­ken soń otbasyn tabýǵa úmittenip, ákesin izdeı bastaıdy…

Darhan Tólegenov aǵaıyndy eki jigittiń taǵdyry bir-birimen tamasha ushtasatyn fılmdi túsirý ıdeıasy shynaıy ómirden týyndaǵanyn aıtady: «О́zimniń de týǵan inim bar. Iаǵnı men jaı ǵana osy taqyrypta oılanyp, tolǵandym: eger bir-biriniń bar ekeninen beıhabar aǵaıyndar kezdesip, ortaq bolashaqqa úmit artsa she? Mine, osy taqyrypta fılm tú­sir­gim keldi», – dep syr ashty rejısser.

Basty rólderde Álisher Ismaı­­lov, Aıbar Saly jáne Azat Ju­ma­dil oınaǵan kartına túsirilimine negi­zinen kásibı mamandar toby atsa­lysty. Atap aıtsaq, ssenarıst Alen Rah­­metalıev, prodıýser Maksım Ak­­­barov, qoıýshy operator Sherhan Tań­­syqbaev, qoıýshy sýretshi Baǵ­dat Qo­jahmetov bastaǵan komanda «Aǵaıyn­dylardyń» kórermen júre­­gine jetý jolynda ter tókse, fılm­ge mýzykany kompozıtor Abaı Abaev jazǵan bolatyn.

Týyndyny kelesi jyldyń basynda otandyq prokatqa shyǵarý josparlanyp otyr.