«Qazgıdromet» RMK mamandary usynǵan derekterge qaraǵanda, Qazaqstannyń ońtústiginde, batysynda, shyǵysynda, ońtústik-shyǵysynda kún kúrkirep jańbyr jaýady, elimizdiń qalǵan aýmaqtarynda jaýyn-shashynsyz aýa raıy saqtalady.
«Respýblıkanyń basym bóliginde jel kúsheıedi, ońtústikte daýyl, soltústikte, soltústik-batysta túnde jáne tańerteń tuman kútiledi», delingen habarlamada.
Boljamǵa sáıkes, Jambyl, Qyzylorda, Túrkistan, Aqtóbe, Almaty, Jetisý, Ulytaý, Abaıdyń ońtústigi men shyǵysynda tótenshe órt qaýpi, Qaraǵandy oblysynyń batysynda, ońtústiginde, shyǵysynda, Batys Qazaqstan oblysynyń ońtústiginde, Atyraý oblysynyń ońtústiginde, Qostanaı oblysynyń ońtústiginde joǵary órt qaýpi saqtalady.
«Túnde Aqmola oblysynyń soltústik-batysynda, Qostanaı oblysynyń soltústiginde, batysynda, Aqtóbe oblysynyń soltústiginde topyraq betinde 1-2 gradýs úsik júredi», delingen habarlamada.
Atap ótilgendeı, kúndiz Jetisý, Almaty oblystarynyń basym bóliginde ystyq aýa raıy saqtalady.
Sınoptıkter elordada jáne respýblıkalyq mańyzy bar eki qalada aýa raıy qandaı bolatynyn aıtty.
Nur-Sultanda kóshpeli bult shyǵady, jaýyn-shashynsyz aýa raıy saqtalady. Batystan, ońtústik-batystan 9-14 m/s jyldamdyqpen jel soǵady, túnde aýa temperatýrasy +4...+ 6°S, kúndiz +16...+18°S.
Almatyda kún ala bultty, jaýyn-shashynsyz. Ońtústik-batystan 3-8 m/s jel soǵady, túnde aýa temperatýrasy +21...+ 23°S, kúndiz +31...+33°S.
Shymkentte kóshpeli bult shyǵady, kúnniń ekinshi jartysynda ótkinshi jańbyr jaýady, kún kúrkireıdi. Soltústik-shyǵystan 8-13 m/s jel soǵady, kúndiz ekpini 15-20 m/s jetedi, aýa temperatýrasy túnde +19...+ 21°S, kúndiz +29...+31°S.
