Qoǵam • 08 Qyrkúıek, 2022

Almaty kúnine oraı «Kórkem qala - Almaty» músháırasy ótedi

273 ret kórsetildi

Almaty kúnine oraı qalalyq Ortalyqtandyrylǵan kitaphana júıesi Qazaqstan jazýshylar odaǵymen birlesip, qala ákimdiginiń qoldaýymen «Kórkem qala - Almaty» atty aqyndar músháırasyn ótkizedi, dep habarlaıdy Egemen.kz.

Músháırany Almaty qalasynyń ákimdigi, Almaty qalasy Mádenıet basqarmasynyń qoldaýymen «Almaty qalasy Ortalyqtandyrylǵan kitaphana júıesi» KMM, Qazaqstan jazýshylar odaǵy, «Tulǵa-dostyq» qoǵamdyq qory uıymdastyrady.

Múshaıra jas aqyndar shyǵarmashylyǵyn qoldaý jáne ádebıetti damytý maqsatynda ótkiziledi.

Qatysýǵa nıet bildirgen aqyndar úshin kelesi erejeler bekitilgen:

  • Músháıraǵa 16-40 jas aralyǵyndaǵy aqyndar qatysa alady;
  • Almaty qalasyn áserli poetıkalyq túrde beınelep, onyń ótkeni, búgingi tynys-tirshiligin jáne keleshegin kórsetý qajet;
  • О́leńniń kórkemdigine, taqyrypty ashýyna, oı ushqyrlyǵyna basty nazar aýdarylady.
  • Almaty qalasy týraly buryn jarııalanbaǵan bir ólendi korkemkala_almaty@mail.ru elektrondy poshtasyna jiberý;
  • О́leńniń kólemi 3 betten aspaı, A-4 formatynda Microsoft Word mátindik redaktorymen «Times New Roman» 14 shrıft, jolaralyǵy - 1.5 bolyp terilýi tıis;
  • Qatysýshylar shyǵarmalarymen qosa jeke kýáliginiń kóshirmesi, qysqasha ómirbaıany, 3h4 túrli-tústi sýretti, turǵylyqty meken-jaıy, telefon nómiri jaıly málimetterdi jiberý kerek;
  • Úmitkerlerdiń shyǵarmalary 2022 jyldyń 18 qyrkúıgine deıin qabyldanady;
  • Is-shara 2022 jyldyń 20 qyrkúıeginde qorytyndylanady;
  • Qazylar alqasynyń saraptaýynan ótken shyǵarmalardyń avtorlary aqshalaı syılyqtarmen marapattalady.

Músháıranyń júlde qory:

  • Bas júlde – 500 000 teńge;
  • I - oryn – 400 000 teńge;
  • II - oryn – 300 000 teńge;
  • III - oryn – 200 000 teńge;
  • 1 qatysýshyǵa Ahmet Baıtursynuly atyndaǵy arnaıy júlde – 150 000 teńge;
  • 6 qatysýshyǵa yntalandyrý júldesi – 300 000 teńge (ár qatysýshyǵa 50 000 teńgeden).

Júldegerlerdi belgili tulǵalardan quralǵan qazylar alqasy anyqtaıdy.

Jyr saıysynyń erejesi týraly tolyq aqparat áleýmettik jileler men ınternet-saıttarda jarııalanady.

Tolyq aqparatty kelesi nómirler boıynsha alýǵa bolady:
+7 (727) 279-33-15; +7 705 987-68-50.

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar