BAIYPTY BAILANYSTAR BOLAShAǴY

Keshe elordada Túrik Respýblıkasynyń Prezıdenti Abdýlla Gúldiń elimizge resmı sapary aıasynda eki el kásipkerleriniń bıznes-forýmy bastaldy. Forým jumysyna eki eldiń 300-den astam kompanııalary qatysýda. Indýstrııa jáne jańa tehno­lo­gııa­lar vıse-mınıstri Berik Ka­ma­lıev isker top ókilderine forýmǵa qatysyp otyrǵandaryna rızashy­ly­ǵyn bildire kele, bıznesti júrgizýge baılanysty qandaı da bir ákimshilik kedergiler jáne ózge de tosqaýyldar, qaǵazbastylyq oryn alatyn bolsa, biz olardy sheship, túrkııalyq bıznesmenderge kómek­tesetin bolamyz, dedi. Ol túrkııa­lyq kásipkerlerge Keden odaǵynyń rynogyn ıgerýdiń mańyzyn atap, ony ıgerýge shaqyrdy. Forým qorytyndysy boıynsha yntymaqtastyq týraly memoran­dýmdarǵa, onyń ishinde alıýmınıı óndirisi boıynsha – “Kıbar” jáne toqyma óndirisinde – “Chalyk” holdıngterimen yntymaqtastyq jaıyndaǵy memorandýmdarǵa qol qoıylmaq. Osy rette forýmda qurylys jáne qurylys mate­rıaldaryn shyǵarý, aýyl sharýa­shylyǵy, tamaq ónerkásibi, máshıne jasaý men orman sharýashylyǵy, toqyma jáne daıyn kıimder shyǵarý, mal sharýashylyǵy, keme jasaý, munaı hımııasy salalary áńgime ózegi bolǵandyǵyn atap ótken jón. Ábdirahman QYDYRBEK.