Jambyl oblysy IID baspasóz qyzmetiniń málimetinshe, 10 qyrkúıekte Almaty-Tashkent jolynyń 219-shaqyrymynda jol apaty boldy.
«Tústen keıin saǵat 14:30 shamasynda «Folksvagen Passat» kóliginiń 26 jastaǵy júrgizýshisi Qordaı aýyly baǵytynan Áljan Ana aýyly baǵytynda kele jatqan. Salonda tórt jolaýshy bolǵan. Rýldi basqara almaǵan júrgizýshi ınersııa saldarynan aǵashqa soǵyldy. Oqıǵa saldarynan 26 jastaǵy júrgizýshi men Volkswagen Passat kóliginiń úsh jolaýshysy alǵan jaraqattarynan oqıǵa ornynda kóz jumdy», dep túsindirdi quqyq qorǵaý organynyń baspasóz qyzmeti.
Túrli dene jaraqattarymen taǵy bir jolaýshy Qordaı aýylyndaǵy ortalyq aýdandyq aýrýhanaǵa jetkizildi.
Atalǵan fakti boıynsha QR Qylmystyq kodeksiniń 345-babynyń 4-bóligi boıynsha sotqa deıingi tergeý bastaldy. Birqatar qajetti saraptama taǵaıyndaldy.
