Osylaısha, elordadaǵy qazirgi gaz tapshylyǵynyń ornyn toltyrýǵa da, qurylys jumystary júretin jańa aýdandardy jylýmen qamtýǵa da yńǵaıly jaǵdaı jasalady. Bul jańalyqpen qala ákimi óziniń Instagram-daǵy paraqshasynda bólisti.
Qala basshysynyń aıtýynsha, gaz qazandyqtary 2023 jyldan bastap kezeń-kezeńimen iske qosylady. Qurylys jumystary temirjol vokzalynyń aýmaǵynda, Qorǵaljyn tasjolynyń boıynda jáne Telman eldi mekeninde júrip jatyr.
«Ońtústik-Shyǵys» qazandyǵy «Myńjyldyq» aýdanyn, jańa temirjol vokzaly aýmaǵyn, qurylys jumysy qarqyndy júrip jatqan aýdandardy jylýmen qamtamasyz etedi. Al «Telman» qazandyǵy «Baǵystan» TK, Uly Dala dańǵyly, «Telman» eldi mekeni aýmaǵyn qamtıdy. О́z kezeginde úshinshi – «Turan» qazandyǵy Qorǵaljyn tasjoly, Turan dańǵyly boıyndaǵy jáne basqa da qurylysy qarqyndy júrip jatqan aýdandardy jylýmen qamtamasyz etýge múmkindik beredi», dep jazady Altaı Kólginov.
Elorda ákimi sorǵy-súzý stansııasynyń (SSS-3) qurylysymen de tanysyp shyqty.
Habarlanǵandaı, shahar turǵyndary táýligine 300 myń tekshe metr sý tutynady, al jańa SSS-3 qýattylyǵy táýligine qosymsha 100 myń tekshe metrden astam sý beredi dep kútiledi.
«Qalamyzdyń damyp kele jatqanyn eskersek, qazirdiń ózinde sýǵa degen qosymsha qajettilik baıqalyp keledi. Sol sebepten SSS-3 bıyl jyl sońyna qaraı ishinara paıdalanýǵa beriledi. Osylaısha sýmen qamtamasyz etý máselesi sheshiledi. Al 2023 jyldan bastap SSS-3 jumysynyń qýatyn arttyrý boıynsha jumys isteımiz», dep qorytyndylady ákim.
