Qazaqstannyń birinshi raketkasy tusaýkeser kezdesýinde Laýra Zıgemýndpen sheberlik baıqasty. 34 jastaǵy Germanııanyń ókili qazirgi kezde álemdik reıtıngte 173-oryndy qanaǵat tutýda. Kezinde ol Rolan Garrostyń shırek fınalynda oınap, TOP-30 tennısshiniń qataryna engen edi. 3 saǵat 25 mınýtqa sozylǵan bul tartysta Rybakına 6:7, 6:4, 7:6 esebimen jeńiske jetti. Ekinshi kezeńde jerlesimiz Tereza Martınsovamen kezdesedi. 27 jastaǵy chehııalyq oıynshy WTA tiziminde 66-oryndy ıelengen.
Slovenııadaǵy týrnırde Elena Rybakınadan bólek, ulybrıtanııalyq Emmý Radýkaný, chehııalyq Katerjına Sınıakova, ýkraınalyq Lesıa Sýrenko, aýstralııalyq Aıla Tomlıanovıch jáne brazılııalyq Beatrıs Haddad-Maııa syndy tanymal tennısshiler óner kórsetýde.
