«14 qyrkúıek «Qarasora-2022» respýblıkalyq jedel aldyn alý is-sharasy aıasynda Selınograd aýdanynyń Jańaesil aýylynda jergilikti turǵynnyń baqshasynan 30-ǵa jýyq sora ósimdiginiń butalary tabylyp, tárkilendi. Sonymen qatar, sharýashylyq qurylystardan sur-jasyl tústi ósimdik tektes zatpen toltyrylǵan 20 lıtrlik ydys, sondaı-aq 2 banka jáne uqsas zatpen 1 paket anyqtalyp, tárkilendi», dep jazylǵan habarlamada.
Tárkilengen zat marıhýana esirtkisi bolyp shyqty. Polıseıler anyqtaǵandaı, osy jyldyń kókteminde 49 jastaǵy aýyl turǵyny óz ýchaskesinde qarasora otyrǵyzǵan. Er adam ósirilgen butalardy esirtki jasaý úshin shıkizat retinde paıdalanǵan, al keıin ózi de tutynǵan. Qazirgi ýaqytta atalǵan fakti boıynsha QR QK 296-baby 2-bóligi (Esirtki zattarymen zańsyz aınalysý) boıynsha sotqa deıingi tergeý bastaldy. Saraptama taǵaıyndaldy. /
