Qazaqstan • 16 Qyrkúıek, 2022

Qazaqstan mashına jasaýshylarynyń forýmy ótedi

118 ret kórsetildi

21-23 qyrkúıekte Kongress-ortalyǵynda jáne EXPO halyqaralyq kórme ortalyǵynda Qazaqstan mashına jasaýshylarynyń X forýmy jáne Kazakhstan Machinery Fair 2022 mashına jasaý jáne metall óńdeý boıynsha II halyqaralyq mamandandyrylǵan kórme ótedi, dep habarlaıdy Egemen.kz.

Forýmnyń taqyryby: «Qazaqstannyń mashına jasaý salasy: jańa zamannyń syn-tegeýrinderi». Forým Respýblıkasy Úkimetiniń qoldaýymen Qazaqstan mashına jasaýshylar odaǵy, Indýstrııa jáne ınfraqurylymdyq damý mınıstrliginiń qoldaýymen uıymdastyrylýda.

Forým mashına jasaý salasynyń óńirlik jáne halyqaralyq kásiporyndary tap bolyp otyrǵan syn-tegeýrinderdiń keń aýqymyn sheshetin pikirtalas alańy retinde ózin tanytty, onyń sheńberinde ekonomıkany ártaraptandyrý, ımportty almastyrý jáne jańa ekonomıkalyq saıasat tetikteri talqylanýda.

Forým men kórmeni ótkizýdiń mándiligi men mańyzdylyǵyn olardyń nátıjeleri dáleldeıdi. 2021 jyly forým jumysyna Qazaqstan Respýblıkasynan, Germanııa Federatıvtik Respýblıkasynan, Italııa Respýblıkasynan, Avstrııa Respýblıkasynan, Lıtva Respýblıkasynan, Reseı Federasııasynan, Ýkraınadan, О́zbekstan Respýblıkasynan, Cheh Respýblıkasynan, Koreıa Respýblıkasynan jáne Túrkııa Respýblıkasynan 1 200-den astam delegat qatysty.

Sondaı-aq kórmege 200-ge jýyq otandyq jáne sheteldik, onyń ishinde álemge áıgili kompanııalar qatysty.

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar