«Qytaı Halyq Respýblıkasynyń Sıan qalasynda Qazaqstan Respýblıkasynyń Bas konsýldyǵy ashylsyn», delingen qujatta.
Túsindirme jazbada atap ótilgendeı, Sıan qalasynda QR Bas konsýldyǵynyń ashylýy birinshi kezekte respýblıkanyń konsýldyq qyzmetiniń osy baǵyttaǵy qyzmetin kúsheıtedi, sondaı-aq óńirde saýda-ekonomıkalyq jáne ınvestısııalyq yntymaqtastyq (qazaqstandyq eksportty ilgeriletý, ınvestısııalar tartý jáne birlesken kásiporyndar qurý) salasyndaǵy jumysty júıeli negizde qurýǵa múmkindik beredi.
Buǵan deıin habarlanǵandaı, QR SIM Aqtóbe qalasynda Qytaıdyń Bas konsýldyǵyn ashýdy qarastyratyn kelisim jobasyn daıyndady.
Aqtóbedegi konsýldyq okrýg Aqtóbe, Atyraý, Mańǵystaý, Batys Qazaqstan jáne Qyzylorda oblystaryn qamtıdy.
Sıandegi konsýldyq okrýg Shensı, Gansý, Sychýan, Hýbeı, Nınsıa-Hýeı avtonomııalyq aýdany jáne Chýnsın qalasyn qamtıdy.
Kelisimge qol qoıý sheńberinde eki tarappen almasýǵa arnalǵan notalar daıyndalady. Olar qazaq jáne qytaı tilderinde jasalyp, birdeı kúshke ıe bolady.
Jarlyq jobasy 23 qyrkúıekke deıin Ashyq NQA saıtynda ornalastyrylǵan.
