Qasym-Jomart Toqaev amerıkalyq qarjygerlerge Qazaqstandaǵy aýqymdy saıası jáne ekonomıkalyq reformalar týraly málimet berdi.
Memleket basshysy bul mańyzdy ózgeristerdiń qarjy-ekonomıka sektoryna yqpaly turǵysynan máni zor ekenin jetkizdi.
«Bıznes pen qarjy ınstıtýttary úshin bul neni bildiredi? Bul naryqqa shyǵý jolyn keńeıtý men ashyqtyqty qamatamasyz etý. Jalpy, jeke sektor men halyqaralyq seriktester úshin jańa múmkindikter ashý degendi bildiredi», dedi Prezıdent.
Kezdesý barysynda Qasym-Jomart Toqaev ekonomıkanyń mańyzdy sektorlarynda birlesken ınvestısııalyq jobalardy júzege asyrýdaǵy Qazaqstannyń múmkindikterine nazar aýdardy.
Memleket basshysy óz sózinde «Samuryq-Qazyna» ulttyq ál-aýqat qorymen yntymaqtastyqtyń perspektıvalaryna toqtaldy. Prezıdent Qordyń aktıvterin jekeshelendirýge baılanysty jańa múmkindikter ashylatynyn atap ótti.
Sonldaı-aq Qasym-Jomart Toqaev energetıka, jasyl ekonomıka, kólik jáne logıstıka, aýyl sharýashylyǵy salalaryndaǵy elimizdiń zor áleýetine, sondaı-aq «Astana» halyqaralyq qarjy ortalyǵynda jasalǵan qolaıly jaǵdaıǵa nazar aýdardy.
Kezdesý sońynda Prezıdent Qazaqstan Úkimeti ınvestısııalyq jobalardy júzege asyrýda amerıkalyq isker toptarǵa jan-jaqty qoldaý kórsetýge daıyn ekenin jetkizdi.
