О́tken oqý jylynda oblys mamandary erekshe tártip boıynsha 276 tekserý júrgizdi. Nátıjesinde árbir ekinshi obektide buzýshylyqtar anyqtaldy. Jospardan tys tekserý barysynda 12 ǵımaratta sáıkessizdikter tirkeldi.
«Anyqtalǵan sanıtarlyq talaptardyń buzylýy boıynsha 23,5 mln teńgeden astam somaǵa 200 aıyppul salyndy, sot organdaryna 9 materıal joldandy, onyń ishinde 9 sheshim qabyldandy. Halyqtyń sanıtarııalyq-epıdemıologııalyq salamattylyǵy salasyndaǵy zańnamany buzý boıynsha 169 uıǵarym berildi. Medısınalyq qarap-tekserýden ótý úshin 41 adam ýaqytsha jumystan shettetildi. О́ńirdegi tekserýler men sanıtarııalyq-epıdemıologııalyq ahýaldy taldaý nátıjeleri boıynsha jergilikti atqarýshy organdardyń, sondaı-aq bilim berý obektileriniń atyna aqparat joldandy, obektilerdiń jaǵdaıyn jaqsartý jáne oqýshylar úshin qolaıly jaǵdaı jasaý jóninde tıisti usynystar berildi», delingen komıtet habarlamasynda.
Epıdemıologııalyq turǵydan mańyzdy máselelerdiń biri –tamaqtanýdy uıymdastyrý. Búgingi kúni bilim berý oshaqtarynyń 80%-ynda tamaqtandyrýdy shaǵyn jáne mıkro bıznes sýbektileri uıymdastyrýda. Alaıda olarǵa qoldanystaǵy moratorııge baılanysty josparly tártippen tekseris júrgizýge tyıym salynǵan.
Osyǵan baılanysty sanıtarııalyq qaǵıdalardy saqtaý jaýapkershiligi kásipkerlerdiń ózderine, sondaı-aq obektiniń ákimshiligine jáne mektepterde qurylǵan brakeraj komıssııalaryna júkteledi.
