Jańa ýaqyt jedel sharalar qabyldaýdy talap etedi. Kún tártibinde túrli shara bar, olardyń mıssııasyn bilý úshin bıylǵy jazda konstıtýsııalyq túzetýler toptamasyn qabyldaý boıynsha referendým ótkizýmen birge bizdiń elimiz kirgen qoǵamdyq-saıası jáne áleýmettik-ekonomıkalyq shyndyqty maqsatty túrde negizge alý jetkilikti. Bul – júrgizilip jatqan reformalardyń, atap aıtqanda, kezekten tys prezıdenttik saılaýdyń máni.
Sonymen birge saılaý kúnin belgileýmen jyl basynda sarapshylar qaýymdastyǵynyń ókilderi boljaǵan ózgeristerdi kútý artyp keledi. Bıylǵy prezıdenttik saılaýdyń yqtımaldylyǵy, kelesi jyly parlamenttik saılaýdyń ótkizilýi talqylanǵan. Tutastaı alǵanda, saıası reformalardyń úlken paketin odan ári iske asyrýǵa baǵyttalǵan saıası prosesterdi kúsheıtý ssenarııi josparlanǵan.
Bul rette qazirgi saıası maýsym Qazaqstannyń turaqtylyǵy men ornyqtylyǵyn qamtamasyz etý úshin aıqyn paıymy men neǵurlym ornyqty saıası model qalyptastyrý nıeti bar, saıasatta sahnadan tys oıynsyz, elde jańa saıası dástúrdi keńinen taratýdan bastaldy.
Memleket basshysy Qasym-Jomart Toqaev aıtqandaı, Ádiletti Qazaqstandy qurý jolyndaǵy keshendi reformalardy tabysty júzege asyrý úshin halyqtyń jańa senim mandaty qajet. Bul – aldaǵy Prezıdent saılaýynyń kvıntessensııasy. Olar saıası úderiske serpin berip qana qoımaı, nátıjeleri kelesi jyly aıqyn bolatyn qazirgi bılik úshin de syn-qater bolmaq. Ázirshe Qazaqstanǵa qoǵamnyń saıası kúshterin toptastyrý, birlik pen ózara túsinistik jáne azamattyq qoǵam men bıliktiń jańa deńgeıge shyǵýy qajet.
Memleketimizdi saqtaý, táýelsizdigimizdi baıandy etý Ádiletti Qazaqstan qurýdy talap etip otyr. Tek ádiletti qoǵamda halyq bılik organdaryna senedi. Ádilettilik degenimiz – bylaı qaraǵanda kúrdeli uǵym bolyp kóringenimen, shyn máninde zań aldynda barshanyń teńdigi, álsizderge qamqorlyq. Qoǵam ómiriniń barlyq salasy zańmen, quqyqtyq normalarmen retteletin memleket – ádiletti memleket.
Baı men kedeı arajiginiń shekten tys alshaqtaýy, áleýmettik ádiletsizdik, zańsyzdyqtyń etek alýy, joǵarydaǵylardyń tómendegilerdi estimeýi, qoǵam ıgiligine, el bolashaǵyna qyzmet etetin bastamalardyń aıaqasty bolýy, ulttyq máselelerdiń tasada qalýy sekildi keleńsizdikter qarapaıym azamattardyń bılik organdaryna degen senimine selkeý túsirdi. Ras, Qazaqstanda jaqsy zańdar, keremet baǵdarlamalar buǵan deıin de boldy. Biraq tolyqqandy iske asyrylmaǵany belgili. О́ıtkeni sheshim qabyldaıtyn oryndarda otyrǵan keıbir tulǵalar ádilettilik pen adaldyq qaǵıdatyn basshylyqqa alýdy umytty.
Prezıdenttik saılaýǵa eki aı qaldy, mindetter aýqymy anyqtaldy, saılaý naýqany bastaldy. Iske sát!
Muhıt ASANBAEV,
Qazaqstan Respýblıkasy Prezıdenti janyndaǵy QSZI-diń jetekshi ǵylymı qyzmetkeri
