Jıyndy ǵalymnyń shákirti, akademık Dıhan Qamzabekuly ashyp, ádebıettaný abyzynyń osy úıde on eki jyl turǵanyn, L.N.Gýmılev atyndaǵy Eýrazııa ulttyq ýnıversıtetinde qyzmet istep, ǵylymǵa jastardy baýlyp, Alash murasy men qazaq ádebıetiniń tarıhy jáne tuǵyrly tulǵalar týraly eńbekterin jarııalaǵanyn aıta kelip, alǵashqy sózdi UǴA akademıgi, Parlament Senatynyń depýtaty, akademık Baqytjan Jumaǵulovqa berdi. Qaıratker Zeınolla Qabdolov, Zákı Ahmetov sekildi qatarlastarymen XX ǵasyrdaǵy qazaq ádebıetin, ǵylymyn, rýhanııatyn bıikke kótergen birtýar azamattyń kisiligi men tulǵalyq qasıetine toqtaldy.
«Seraǵań óz býynynyń kóshin bastap, qyryq jasyna jetpeı, alǵashqy bolyp doktorlyǵyn qorǵap, qurdastaryna jol ashty. Keńes Odaǵy Attestasııalyq Komıssııasynyń múshesi retinde ózinen keıin qorǵaǵan barlyq áriptesiniń jumysyn Máskeýden bekittirip, qoldaý kórsetti. Muny búgin bireý biledi, bireý bilmeıdi... Jany jomart, júregi keń, kisiligi óte bıik osynaý qasıetinen Seraǵań keshe dúnıeden ótkenshe bir eli shegingen joq. Ol kisi ult ustazy boldy. Mine, jetpis jyl boıy kúlli mektep oqýshylary. ınstıtýt, ýnıversıtet stýdentteri Serik Qırabaev jazǵan oqýlyqtarmen bilim alyp keledi. Serik aǵamyz M.Áýezov ınstıtýtyn basqarǵan jyldary kúlli Alash arystaryn aqtap, solardyń murasyn jaryqqa shyǵarýǵa aıanbaı atsalysty», dep ǵalymnyń ǵıbratty ǵumyrynan syr shertti.
Odan keıin Ǵylym jáne joǵary bilim vıse-mınıstri Talǵat Eshenqulov mınıstr Saıasat Nurbektiń hatyn oqyp berdi. Al fılologııa ǵylymdarynyń doktory, professor Ádil Ahmetov kórnekti akademıkter Serik Qırabaev pen Álııa Beısenovanyń ómir jolyna oı jiberip, bir otbasynda qos akademıktiń bolýy sırek kezdesetinin jáne olardyń Qanysh Sátbaev qurǵan Ulttyq ǵylym akademııasynyń akademıkteri ekenin alǵa tartyp joǵary baǵalady.
«Qazir sol Ulttyq ǵylym akademııasy qaıta qalpyna kelse dep úmittenip júrmiz. О́ıtkeni ol akademııanyń sapasy ǵana emes bedeli de bıik bolatyn. Búgin halqymyzdyń ardaqty perzentiniń ózi turǵan úıinde eskertkish-taqtanyń ashylýy – óte quptarlyq is. О́ıtkeni ótkendi syılamasaq, keleshek urpaq ulaǵatty bolyp óspeıdi», – dese, Májilis depýtaty Saýytbek Abdrahmanov bıyl Serik Qırabaev shyǵarǵan «Qazaq sovet ádebıeti» oqýlyǵynyń alǵashqy basylymyna týra 70 jyl tolyp otyrǵandyǵyn sóz etti.
«Bul degen tańǵalarlyq ǵajaıyp oqıǵa. Seraǵań 25 jasynda «Qazaq sovet ádebıeti» oqýlyǵynyń avtory atandy. Sodan beri Serik aǵamyz jazǵan oqýlyqtyń ondaǵan basylymdary jaryq kórip, ony mıllıondaǵan qazaq balalary oqydy. Osy jyldar ishinde ol jetkinshekter jıyrmasynshy ǵasyrda jasaǵan sóz óneriniń asyldyǵyna, qundylyǵyna kóz jetkizip qana qoıǵan joq, júz myńdaǵan qazaq jastary Qırabaevtyń oqýlyǵy arqyly ádebıetke yntyǵyp, sóz óneriniń qadir-qasıetin bile tústi. Sol arqyly talantty jastar ádebıetke tolqyn-tolqyn bolyp keldi. Bul Seraǵańnyń ult aldyndaǵy uly eńbegi. Shyn máninde, Qırabaev – uǵymǵa aınalǵan adam. Seraǵań ádebıettanýda ǵana emes, ádebı synda da ónimdi eńbek etti. Al ádebı syn degen – dushpan arttyrýǵa taptyrmaıtyn janr. Biraq Seraǵańnyń ádildigi, biliktiligi, bilimdiligi jáne bilip aıtatyn, tilip aıtatyn erekshe qasıeti oǵan jaý jınattyrǵan joq. Ol synaǵan adamdardyń ózi de synnyń ádildigin moıyndap, odan taǵylym túıdi. Sóziniń qadirin saqtaǵan adam óziniń qadirin saqtaıdy. Seraǵań sondaı tulǵa», – dedi belgili qalamger.
Ǵalymnyń shákirti, qoǵam qaıratkeri, professor Beıbit Mamyraev ulaǵatty ustazy týraly da jyly estelik órbitti.
Taǵylymdy is-sharany túıindegen Serik Smaıylulynyń jary, akademık Álııa Beısenova «Seraǵańa jasaǵan qurmettiń bári – halyqqa degen qurmet» deı kelip: «Qazaqtyń barlyq sanaly azamaty halyqtyń taǵdyryn oılap, elge qyzmet jasaǵan. Osynda jınalǵan barlyǵyńyz da elge qyzmet jasap júrsizder, isterińizge bereke tileımin! El degen, jurt degen úlken uǵym. Eldiń qamyn oılańyzdar! Sol jolda júrgen jastar aman bolsyn!» dep eskertkish-taqtany ornatýdyń basy-qasynda júrgen azamattar men jınalǵan qaýymǵa analyq alǵysyn jetkizdi.
Sondaı-aq is-shara aıasynda akademıktiń rýhyna duǵa baǵyshtalyp, M.Áýezov atyndaǵy ádebıet jáne óner ınstıtýty shyǵarǵan aıtýly ǵalymnyń «О́mir belesteri» atty kitaby tanystyryldy.
