Oqý-aǵartý salasyndaǵy ońtaıly sheshimder

«Memleket basshysy Qasym-Jomart Toqaevtyń tapsyrmasymen elimizde «Jaıly mektep» ulttyq jobasyn júzege asyrylyp jatqany belgili. Búginde elimizde mekteptegi oqý­shy ornynyń tapshylyǵy 200 myń­nan asady. Boljam boıynsha 2025 jylǵa qaraı jalpy qajet­ti­lik 1 mln orynǵa jetedi. Ult­tyq joba aıasynda keminde 800 myń oqýshy orny ashylady. Bul oqý­shy ornynyń tapshylyǵyn, úsh aýysymda oqıtyn jáne apatty mektep­terdiń máselesin tolyǵymen sheshedi. «Jaıly mektep» jobasy aıasynda mektepterdi salý men jabdyqtaýdyń biryńǵaı standarty qolǵa alynady. Joba aıasynda ashylǵan mektepter zamanaýı pán kabınetterimen, zerthanalarmen tolyq qamtamasyz etiledi. Jańa mektepterde oqý baǵdarlamasyna sáıkes oqý alańdary keńeıtiledi. Oqý zerthanalary, robottehnıka ka­bınetteri, sport zaldary, ámbe­bap sheberhanalar men stýdııalar bola­dy. Bastaýysh jáne joǵary sy­nyp­tar úshin de bólek bloktar qaras­tyrylǵan. Sondaı-aq olar jeke sport zaldarymen, ashana jáne oqý kabınetterimen qamtamasyz etiledi. Prezıdent Joldaýda joǵary synyptarda jaratylystaný-matematıka baǵytyndaǵy pánder men aǵylshyn tiline basymdyq berýdi tapsyrdy. Matematıka, fızıka, hımııa, bıologııa pánderiniń saǵat­taryn kóbeıtý josparlanyp otyr. Sondaı-aq oqý baǵdar­lama­lary da jańartylady. Muǵa­lim­derge qosymsha kýrstar uıymdas­ty­rylady. STEM bilim berý tásil­derine negizdelgen jaratylystaný-matematıka pánderin oqytýdy kúsheıtý josparlanyp otyr. Sonymen qatar joǵary synyptarda aǵylshyn tilin úırenýge, naqtyraq aıtqanda, 10-11 synyptardaǵy aǵylshyn tili saǵatyn kóbeıtýge, baǵ­darlamalardy jańartýǵa jáne muǵalimderdiń biliktiligin art­tyrýǵa basa mán beriledi. 2024 jyldan bastap CEFR boıynsha 3-synypta aǵylshyn tilin oqytý saǵattaryn ulǵaıtý men qazaq jáne orys tilderin meńgerý úshin qajetti oqý júktemesin qamtamasyz etý sharalary qabyldanady», dedi A.Aımaǵambetov.

Memleket basshysy Qazaqstan halqyna Joldaýynda tárbıeshi­lerdiń áleýmettik mártebesin kóterý, jalaqysyn kóbeıtý, son­daı-aq olardyń jumys júkte­mesin azaıtý boıynsha sharalar qabyldaýdy tapsyrǵan bolatyn. Oqý-aǵartý mınıstri atalǵan máse­lege de toqtalyp ótti.

«Búgingi tańda balabaqshalarda bir pedagogke 25 baladan keledi. Bir m­uǵa­limge júkteletin júkteme­niń kóptiginen ár balaǵa kóbirek kóńil bólý múmkindigi shekteýli. Memleket basshysynyń tapsyrmasy aıasynda mektepke deıingi uıymdardyń pedagogterin attestattaý júıesi jańartylyp, olardyń jalaqysy kóteriledi, sondaı-aq tárbıeshilerdiń júktemesi azaıtylady. Bul mektepke deıingi tárbıe­shilerge balalarǵa kóbirek kóńil bólýge jáne damytý men oqytý is-shara­larynyń tıimdiligin arttyrýǵa kóbi­rek múmkindik beredi. Qazir bir­neshe balabaqshada qanat­qaqty joba júrgizilip jatyr. Onyń aıasyn­da tárbıeshilerge eńbekaqy tóleý júıesi synaqtan ótip jatyr, sonymen qatar pılot­tyq jobanyń qory­tyndysy boıyn­sha mektepke deıingi uıym peda­gog­teriniń eńbekaqysyn arttyrý boıynsha esep usynylady. Normatıvtik quqyqtyq aktilerge de ózgerister engiziledi. Bul sharalar balabaqshalarǵa bilikti kadrlardy tartýǵa, mektepke deıingi tárbıe men oqytýdyń sapasyn arttyrýǵa múmkindik beredi», dedi ol.

Jıyn barysynda mınıstr 2 jastan 6 jasqa deıingi balalardy mektepke deıingi sapaly bilimmen qamtamasyz etý sharalary qolǵa alynatynyn alǵa tartty.

«Búginde kezekte turǵan balalardy esepteıtin bolsaq, 2-6 jas aralyǵyndaǵy balalardy qamtý 88%-dy, al jalpy balalar sanynyń 57,7%-yn qurap otyr. Qamtýdy odan ári ulǵaıtý úshin jergilikti bıýdjetten qurylys salý jolymen mektepke deıingi uıymdardy iske qosý boıynsha jergilikti atqarýshy organdarmen jumys jalǵasady. Sondaı-aq MJÁ aıasynda mektepke deıingi uıymdar jelisi jáne jekemenshik mektepke deıingi uıymdarda memlekettik tap­sy­rystardy ornalastyrý keńeı­di. Búgingi tańda Oqý-aǵartý mı­nıstr­ligi jergilikti atqarýshy or­gan­darmen birlesip, mektepke de­ıingi uıymdardy paıdalanýǵa berý jáne ashý josparyn júzege asyryp jatyr. Mektepke deıingi uıymdardyń qyzmet kórsetý sapasyn arttyrý úshin mektepke deıingi uıymdarda memlekettik tapsyrys­tardy ornalastyrýǵa qoıylatyn talaptar kúsheıtildi. Memlekettik tapsyrysty ornalastyrý jan basyna shaqqandaǵy formatqa jáne balalardyń balabaqshaǵa barý kezindegi tólemdi baqylaý tetigine ózgertildi», dedi mınıstr.

Oqý-aǵartý mınıstri Ashat Aı­maǵambetov pedagog kadrlardy daıar­laý sapasyn arttyrý mańyzdy máseleler qatarynda ekenin atap ótti.

«Muǵalimderdi daıarlaý bóli­ginde pedagogıkalyq jáne basqa d­a joǵary oqý oryndaryn akkredıtteý standartyn ázirleý boıynsha jumystar júrgizilip jatyr. Bul pedagog kadrlardy daıarlaý sapasyn arttyrý úshin qajet. Qazirgi ýaqytta JOO-lardy akkredıtteý jalpy krıterııler boıynsha júrgiziledi. Pedagogıkalyq joǵary oqý oryndaryn akkredıtteýdiń ázirlengen standartyn bolashaq oqytýshylar daıarlanatyn JOO-nyń bilim berý baǵdarlamalaryn akkredıtteý barysynda táýelsiz akkredıtteý agenttikteri paıdalanady dep josparlanyp otyr. Sondaı-aq Oqý-aǵartý mınıstrligi «Pedagog» kásibı standartyn qabyldaý bo­ıynsha jumystardy aıaqtaýǵa jaqyn. Osy kásibı standartty eskere otyryp, bilim berý baǵdarlamalary, pedagogterdi sertıfıkattaý jáne attestattaý rásimderi, úzdiksiz ká­sip­tik damý mazmuny ázirlenip, ja­ńar­tylady, pedagog kadrlardy qyz­met babynda joǵarylatý strate­gııasy qurylady. Kásibı standart be­ki­tilgenge deıin pedagogtermen jáne basqa da múddeli taraptarmen keń talqylaýlar júrgiziledi. Ná­­tı­jesinde «Pedagog» kásibı stan­darty bilim berýdiń barlyq deń­ge­ıindegi pedagogterdiń kásibı damý traek­torııasynyń biryńǵaı baǵ­daryna aınalady», dedi A.Aımaǵambetov.