Muhtar Tileýberdi Japonııanyń Syrtqy ister mınıstri Ioshımas Haıashımen kelissózder ótkizdi. Mınıstr Prezıdent Qasym-Jomart Toqaevtyń jáne Qazaqstan halqynyń atynan kóńil aıtyp, S.Abenyń elimizdiń jaqyn dosy bolǵanyn jáne eki memleket arasyndaǵy ózara qarym-qatynasty nyǵaıtýǵa qomaqty úles qosqanyn atap ótti.
Kelissózder barysynda taraptar tarıhı qysqa merzim ishinde Qazaqstan men Japonııa keńeıtilgen strategııalyq seriktestik deńgeıine qol jetkizgenin jáne bıyl dıplomatııalyq qatynastardyń ornaǵanyna 30 jyl tolǵanyn atap ótti.
Mınıstrler ekijaqty qarym-qatynastardyń keń aýqymdy máselelerin, saýda-ekonomıkalyq jáne ınvestısııalyq yntymaqtastyqty keńeıtý joldaryn, sondaı-aq kópjaqty formattaǵy ózara is-qımyldy talqylady. Joǵary jáne asa joǵary deńgeıdegi aldaǵy is-sharalar kestesi egjeı-tegjeıli qaraldy.
