Saıasat • 27 Qyrkúıek, 2022

Saıası júıeni túbegeıli jańartý

63 ret kórsetildi

Memleket basshysy Qasym-Jomart Toqaevtyń Qazaqstan halqyna úndeýi otandyq ǵylymı-sarapshylyq qoǵamdastyq ókilderi tarapynan qyzyǵýshylyq týǵyzyp, kásibı alańdarda aldaǵy saıası ózgeristerge baılanysty naqty usynystar aıtylyp jatyr.

Fılosofııa, saıasattaný jáne dintaný ınstı­týtynyń Saıası zertteýler orta­lyǵyn­da ótken «Prezıdenttik saılaý-2022: Ádiletti Qazaqstan úshin jańǵyrtý dıs­kýr­synyń syn-qaterleri men sheshim­deri» atty dóńgelek ústel­de aldaǵy saılaýdyń jaı-japsary talqylandy.

Basqosýda Fılosofııa, saıasattaný jáne dintaný ınstıtýtynyń bas dırektory S.Seıdýmanov elimizdiń úlken ózgerister kezeńi qarsańynda turǵa­nyn atap ótti. Onyń aıtýynsha, al­daǵy saı­laýlardyń ereksheligi kóp, qaper­ge alatyn jaıttar da jetkilikti. «Prezıdent óz Joldaýynda atap kórsetken eń mańyzdy másele – qoǵamdyq kapıtaldy damytý. Sondyqtan árbir qazaqstandyq aldaǵy 7 jylda eldegi saıası ózgeristerden shet qalmaı, azamattyq pikirin bildirýge da­ıyn bolýy kerek. Sonymen qatar saılaý naýqanynyń jumysyna jáne elektoraldy is-sharalarǵa serpin bergeli otyrǵan saılaýdyń mańyzy mol», dedi S.Seıdýmanov. Sarapshy bul is-sharanyń syn-tegeýrinder deńgeıin anyqtaýmen qatar, Ádiletti Qazaqstannyń jańǵyrtý dıskýrstaryn sheshýdiń yqtımal joldaryn aıqyndaýǵa, jetekshi kúshter ókilderiniń jaǵdaıdy shynaıy baǵalap, bolashaq saıası ózgeristerge daıyndyq barysy men qoǵamnyń qabyldaý deńgeıin anyqtaýǵa mol múmkindik beretinine basymdyq berdi.

Jıyn moderatory, ınstıtýttyń Saıası zertteýler ortalyǵynyń dırektory A.Ámirebaev «Prezıdenttik mandattyń bir rettik 7 jyldyq merzimi týraly sheshim eldiń saıası jańǵyrtý mindetterine jaýap bere me?», «Qazirgi jaǵdaıda Ádiletti Qazaqstannyń bolashaǵy qandaı bolady?» degen saıa­sı ózgeristerdi qamtıtyn suraqtar tóńi­reginde, saılaý úderisiniń zańdylyǵy turǵysyndaǵy pikirlerge qatysty oı bólisti. «Qazirgi kezde Prezıdenttiń tıisti Jarlyqqa qol qoıyp, 20 qarashada kezekten tys saılaý ótkizý týraly úndeý jasaýyna baılanys­ty sarapshylar talqylaýlary ótýde. Prezıdent usynǵan parlamentaralyq ja­ńashyldyqtar elimizdegi saıası reforma jónindegi usynystar paketiniń jalǵasy bolyp sanalady», dep atap ótti ol.

Aldaǵy saılaýdyń nátıjeli bola­tyn­­dyǵyna senim bildirgen áleýmet­­taný ǵylymdarynyń doktory Á.Júnisov «7 jyl – tıimdi merzim», dedi. Al bul merzimnen ne kútemiz? Sarap­shynyń aıtýynsha, 2001 jyly Prezıdentti saılaý merzimi jaıynda talqylaý bolǵan. «Al budan az merzim belgilenetin bolsa, onda josparlanǵan baǵdarlamalardy iske asyrý múmkindigi azaıady. Búginde Qazaqstan álemde jer aýmaǵy jaǵynan toǵyzynshy orynda, shıkizat, mıneraldy resýrstar qory jaǵynan baı elderdiń biri. Al halyqtyń dáýletti ómir súrýine baǵyttalǵan reformalardan qoǵam úlken ózgerister kútedi», dedi sarapshy.

Májilis depýtaty E.Smaıylov konstı­tý­sııalyq ózgeristerdi eldiń demokra­tııa­lyq úderisi men saıası jań­ǵyrýy­nyń bir bóligi retinde qoldaı­tynyn aıtty. «Elimizdiń jańǵyrýy áleýmettik sektor men ekonomıkadaǵy ózekti problemalardy sheshýmen tike­­leı baılanysty. Kedeıshilikti, teńsiz­­dikti, memlekettik basqarýdyń tıimsiz­digin jáne bıýdjet shyǵyndaryn, densaýlyq saqtaý men bilim berýdegi problemalardy, zańdardyń jáne eńbek quqyqtarynyń buzylýy, ekonomıkanyń shıkizattyq modelin konservasııalaýdy, sybaılas jemqorlyq jáne basqa da kóptegen máseleni sheshý qoǵam damýynyń ózegine aınalady», dep atap ótti depýtat.

Dóńgelek ústelde Májilis depýtaty Iý.Kýchınskaıa, JSDP partııasynyń teń tóraǵasy A.Álibaev, qoǵamdyq qozǵalys jetekshisi T.Qojalıeva, fıloso­fııa ǵylymdarynyń doktory, pro­fessor R.Qadyrjanov, fılosofııa ǵylym­dary­nyń doktory Iý.Býlýktaev, fılosofııa ǵylymdarynyń kandıdaty D.Eshpanova, PhD N.Aıtymbetov, taǵy basqa sarapshylar eldegi saıası ózgeristerge baılanysty oı-pikirlerin ortaǵa saldy.

Sarapshylar atap ótkendeı, aldaǵy elektoral­dyq naýqan Memleket basshysy­nyń qyrkúıek aıyndaǵy Joldaýyn­da aıtylǵan maqsattarǵa sáıkes kele­tin bolsa, barlyq jasampaz saıası kúshter­diń birlesken kúsh-jigeri ornyqty ekono­mı­kalyq ósýge jáne qazaqstandyqtardyń ómir súrý sapasynyń artýyna, saıası júıeni túbegeıli jańǵyrtýǵa múmkindik beredi.

 

ALMATY

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar