Kezdesý barysynda taraptar ınvestısııa tartý, eki eldiń isker toptarynyń baılanystaryn nyǵaıtý jáne bank salasyndaǵy yntymaqtastyq máselelerin talqylady.
Álıhan Smaıylov taıaýdaǵy BAÁ-ge resmı saparynyń qorytyndysy boıynsha eki el arasynda kóptegen vedomstvoaralyq jáne kommersııalyq qujattarǵa qol qoıylǵanyn, ınvestısııalyq yntymaqtastyqty odan ári arttyrý boıynsha ýaǵdalastyqtarǵa qol jetkizilgenin eske saldy.
«Biz ózara is-qımylǵa úlken mańyz beremiz jáne ekijaqty qarym-qatynastar deńgeıin arttyrýǵa nıettimiz», dedi Premer-Mınıstr.
О́z kezeginde Haled Muhammed Salem Balama qazirgi ýaqytta arab ınvestorlary yntymaqtastyq týraly usynystardy egjeı-tegjeıli zerdelep jatqanyn, sodan keıin olardy iske asyrýǵa kóshetinin atap ótti.
«Búgin ınvestısııalyq yntymaqtastyq úshin jaqsy múmkindikter ashylyp jatyr. Men Qazaqstan Úkimetine osy baǵytta kórsetilip jatqan qoldaý úshin alǵysymdy bildirgim keledi», dedi BAÁ Ortalyq bankiniń basshysy.
Aıta ketsek, BAÁ delegasııasynyń quramynda buǵan deıin Qazaqstanda ınvestısııalyq jobalardy iske qosýǵa qyzyǵýshylyq tanytqan «Mubadala» jáne «ADQ» iri kompanııalarynyń ókilderi de bar.
