«Birinshilik men úshin sátti ótýde. Alǵashqy eki oıynǵa onsha kúsh jumsaǵan joqpyn. Endi shırek fınalda utsam, ar jaǵynda eki-aq kezdesý qalady. Qazaqstan chempıonyna altyn medal men aqshalaı syıaqy, sondaı-aq elimizde alǵash ret ótkeli otyrǵan Astana Open ATR 500 dodasynyń irikteý saıystaryna joldama beriledi. Árıne, mundaı joǵary deńgeıdegi tennıs toıynyń ótýi – úlken mártebe. Jankúıerler, ásirese, balalar Novak Djokovıch, Karlos Alkaras, Danııl Medvedev, Stefanos Sısıpas, Andreı Rýblev, Iаnnık Sınner syndy ataqty oıynshylardyń ónerin jaqynnan tamashalaıdy. Men buryn ATR 500 nemese 250 jarystaryna qatysyp kórmegen edim. Sondyqtan budan tys qalmaýǵa bar kúshimdi salamyn», dedi 21 jastaǵy tennısshi.
Qazaqstan tennıs federasııasynyń baspasóz qyzmetindegiler Aqtaý tennıs mektebiniń túlegi chellendjer týrnırlerinde bıyl táýir nátıje kórsetip júrgenin aıtady. Máselen, Ystanbuldaǵy týrnırde shırek fınalǵa deıin jetkenin umyta qoıǵan joqpyz. Al elordada ótken Presidents Cup jáne Taılandta ótken týrnırlerde jartylaı fınalda oınady.
Aıta keteıik, Beıbit Jýkaev álemdik reıtıngte 326-satyda tur.
