Qazaqstandyq týyndymen qatar, baıqaýda Qytaı, Izraıl, Iran, Túrkııa, Úndistan, Japonııa, Ispanııa, Chılı elderiniń kınotýyndylary qatysady. Halyqaralyq qazylar alqasynyń tóraǵasy – amerıkalyq kıno, teatr jáne opera rejısseri, prodıýser Djýlı Teımor. Odan bólek, qazylar alqasynyń quramyna operator Iаnagıdjıma Kasýmı, akter Shım Yn Gıon, rejısser Joao Pedro Rodrıges jáne Japonııadaǵy Fransııa ınstıtýtynyń burynǵy basshysy Marı-Krıstın de Navasel kirdi.
– Bul – rejısser Emır Baıǵazınniń jańa fılmi. Jańadan shyqqan týyndysyn bir aýyz sózben túıindep aıta almaspyn, men kórgen basqa qazaqstandyq fılmderge uqsamaıdy, tipti, álemdegi barsha kınolarǵa uqsamaıdy degim keledi. Bul qazirgi kúnniń alasapyranyn sýrettegen tańǵajaıyp kınotýyndy, - dedi festıval baǵdarlamasynyń basshysy Shozo Ichııama Tokıoda ótken baspasóz otyrysynda.
«О́mir» fılminiń kórsetilimi 23 qazannan 3 qarashaǵa deıin TOHO Cinemas Chanter - SC1 ı Marunouchi TOEI - SC1 kınoteatrlarynda ótedi.
Qazaqstandyq «О́mir» fılminiń dúnıejúzilik tusaýkeseri Toronto (Kanada) qalasyndaǵy halyqaralyq festıval sheńberinde ótkenin eske sala ketken jón.
Sonymen qatar, Qazaqstannyń Oskar komıtetiniń sheshimi boıynsha «О́mir» fılmi elimizdiń atynan amerıkalyq «Oskar» kınoakademııasy syılyǵynyń «Shet tilindegi úzdik fılm» nomınasııasyna usynylǵany týraly jaqynda belgili boldy. «О́mir» fılmi Qazaqstan Respýblıkasynyń Mádenıet jáne sport mınıstrliginiń tapsyrysy boıynsha jáne Ulttyq kınony qoldaý memlekettik ortalyǵy qoldaýymen túsirilgen.
