Qoǵam • 28 Qyrkúıek, 2022

Quqyqtyq mádenıetti kóterý – ýaqyt talaby

148 ret kórsetildi

Azamattardyń quqyqtyq sanasy men quqyqtyq mádenıetin arttyrý, zańǵa qurmet sezimin oıatý – barlyq memlekettik organnyń strategııalyq baǵyttarynyń biri. Al zańdy jetik biledi degen qyzmetkerlerdiń qatelikke jol bergen kemshilikteri keshirýge jatpaıtyn áreket ekeni anyq.

Túrkistan oblysy boıynsha búginde 193 notarıýs, 172 advokat, 200 zań keńes­shi­si qyzmet atqarady. Oblystyń ádilet departamenti notarıattyq is-áreket­terdiń zańdylyǵyna jáne nota­rıattyq is júrgizý erejeleriniń saq­talýyna 8 tekserý júrgizip, nátı­jesinde 3 notarıýstyń lısenzııasyn toqtatqan. Eki notarıýs tártiptik jaýapkershilikke, 5 notarıýs ákimshilik jaýapkershilikke tartylǵan. Sonymen qatar 2 advokattyń lısenzııasy toqtatylǵan. «Ádilet departamenti kommersııalyq emes zańdy tulǵalardy, azamattyq hal aktilerin, jyljymaıtyn múlikke quqyqtardy tirkeýdi ba­­q­ylaýda, zııatkerlik menshik quqy­ǵyn qorǵaý salasy boıynsha jáne qu­qyq­tyq kómek kórsetý jáne túsin­di­rýdi qamtamasyz etýde, sondaı-aq sot aktilerin oryndaý qyzmetinde kóptegen jetistikke qol jetkizdi.

«О́tken jyldary jumysty jańa bolmysqa ıkemdep, júzege asyrdyq. Budan bólek departamentke júktelgen mindetterdi nátıjeli atqarý óz jemisin berdi. Qazir­gi tańda memlekettik qyzmetterdiń basym kópshiligi onlaın kórsetilýde, sondaı-aq jergilikti volonterler men ádilet salasynyń qyzmetkerleri bir­lesip halyqqa baılanys quraldary men áleýmettik jeliler arqyly keńes berýdi iske qosyp, ha­lyq­tyń quqyqtyq mádenıetin arttyrýda aıanbaı eńbek etýde», deıdi departament basshysy Muhıt Turǵaraev.

О́ńirde «E-zań kómegi» aqparattyq júıesi boıynsha 172 advokat qyzmet atqarady. Al memlekettik kepildik bergen zań kómegin kórsetýge kelisilgen advokattardyń sany – 122. Jalpy 6 076 azamatqa tegin zań kómegi kórsetilipti. Onyń ishinde qylmystyq ister bo­ıynsha – 1 611, azamattyq is – 20, ákimshilik is – 160, quqyqtyq keńes berilgen azamattar sany – 4 285. Depar­tament basshysynyń aıtýynsha, oblys kóleminde 1 311 zańdy tulǵa memlekettik tirkeýden ótken. Qyzmettiń 11 túri boıynsha 2 044 memlekettik qyzmet kórsetilgen. Memlekettik kórsetiletin qyzmetter boıynsha biliktilikti arttyrý kýrstarynan 5 qyzmetker ótti. De­par­tamenttiń AHAT jáne apostıldeý jumystaryn qamtamasyz etý, baqylaý bóliminiń muraǵatyna 2 015 akt jazýlaryna ózgerister, tolyqtyrýlar, túzetýler engizý týraly habarlamalar kelip túsip, oryndaldy. Jyljymaıtyn múlikke quqyqtardy tirkeý baǵyty boıynsha «Azamattarǵa arnalǵan úkimet» Memlekettik korpo­ra­sııasy» kommersııalyq emes ak­sıonerlik qoǵamynyń oblys bo­ıynsha fılıaly 106 917 memlekettik qyzmet kórsetken. Zııatkerlik menshik quqyǵy salasy boıynsha departamentke zań talaptaryn buzý faktilerine qatysty 6 aryz túsip, onyń ishinde 4 aryzǵa Prezıdenttiń «Tekserýlerge jáne profılaktıkalyq baqylaý men qadaǵalaýdy baryp júrgizýge moratorıı engizý týraly» Jarlyǵyna sáı­kes tekserý júrgizilmeıtindigi týraly jaýap berilgen. Al 2 aryz av­tor­lyq quqyqtyń buzylýyna baılanysty quzyrettiligine qaraı Ádilet mı­nıstrligine joldanypty. «Bıylǵy 8 aıda memlekettik sot oryndaýshylar sany – 15, jeke sot oryndaýshylary sany – 150. Jalpy aıaqtalǵan atqarý qujattary – 161 445. Aıaqtalǵan atqarýshylyq óndiristerdiń úlesi 8 aıdyń qorytyndysy boıynsha 32 paıyz bolǵan. Alıment óndirý sanaty boıynsha 22 672 oryndaýda bolǵan. Onyń 2 982-i aıaqtalǵan, 19 690-y oryndalý barysynda. Sot aktisi talaptaryn oryndaýdan jaltaryp júrgen 214 boryshker ákimshilik jaýapkershilikke tartyldy. Oblystyq sot aktilerin oryndaý jónindegi aýmaqtyq bólimimen múlik tárkileý boıynsha 156 atqarý óndirisi oryndaýǵa túsken, onyń ishinde 129 atqarý óndirisi oryndalyp, atqarý qujattarynyń oryndalýy – 83 paıyz boldy. Jalpy, Túrkistan oblysynyń ádilet departamenti bıylǵy 8 aıda Ádilet mınıstrliginiń 2020-2024 jyldarǵa arnalǵan Damý josparynyń oryndalýy boıynsha nysanaly ın­dıka­torlardaǵy mejeli kórsetkishke qol jetkizýdi, advokattardyń zańgerlik kómek kórsetýin odan ári jandandyrýdy, problemalyq alıment sanatyndaǵy atqarý óndiristeri boıynsha oblystyń jeke sot oryndaýshylar óńirlik palatasymen jáne aýdandaǵy jeke sot oryndaýshylarmen jumystardy, ádilet organdary qyzmetine qatysty ha­lyq arasynda quqyqtyq nasıhat jumystaryn jandandyrýdy basym mindetter qataryna qoıyp otyr», deıdi departament basshysy. Iаǵnı departament qyzmetkerleri halyqtyń quqyqtyq mádenıetin qalyptastyrý men damytýǵa da basymdyq berip keledi.

 

Túrkistan oblysy

Sońǵy jańalyqtar

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Prezıdent Ulttyq bank tóraǵasyn qabyldady

Prezıdent • Búgin, 13:03

«QazMunaıGazda» kadrlyq ózgerister boldy

Taǵaıyndaý • Búgin, 12:53

Uqsas jańalyqtar