Jergilikti BAQ jol apaty 28 qyrkúıek kúni keshke bolǵanyn habarlady. Bórli aýdanynyń Aqsaı qalasynda №3 «GAZel» marshrýty men jeńil kólik soqtyǵysty. BQO densaýlyq saqtaý basqarmasy baspasóz qyzmetiniń málimetinshe, bul habar jedel járdem stansııasynyń pýltine 18:21-de túsken. Jol apatynan barlyǵy 14 adam zardap shekti, olardyń arasynda balalar da bar. Olarǵa jabyq bas mıynyń jaraqaty, kontýzııa jáne kógerý dıagnozy qoıyldy.
72 jastaǵy qart áıel alǵan jaraqattarynan oqıǵa ornynda qaıtys boldy. 64 jastaǵy áıel aýdandyq aýrýhananyń hırýrgııalyq bólimine jatqyzyldy. Qalǵan 12 adam ambýlatorııalyq emdelýge jiberildi.
BQO polısııa departamenti apat týraly qosymsha aqparat jarııalanytynyn aıtty.
