Qazaqstan • 29 Qyrkúıek, 2022

Qazaqstanda Meta-nyń arnaıy seriktes ókili taǵaıyndalady

70 ret kórsetildi

Bul týraly Aqparat jáne qoǵamdyq damý mınıstri Darhan Qydyráli feısbýktegi paraqshasynda jazdy, dep habarlaıdy Egemen.kz.

«Búgin Meta kompanııasynyń memlekettik organdarmen baılanys jónindegi basqarýshy dırektory (George Chen) Djordj Chen myrzamen arnaıy kezdestim. Bul Chen myrzanyń elimizge alǵashqy sapary eken.

О́zderińizge belgili, Meta kompanııasy Facebook, Instagram, WhatsApp jelilelerine ıelik etedi.

Álemge áıgili kompanııa ókiline birshama jobalardy birge oılastyryp, ózekti máselelerdi yntymaqtasa otyryp sheshýdi usyndym.

Máselen qazaq tili Qazaqstanda ǵana emes, álemniń birneshe elinde keń qoldanysqa ıe ekenin eskerip, Instagram jelisiniń qazaq tilindegi ınterfeısin jasaý máselesin aıttym», dep jazdy mınıstr.

Onyń aıtýynsha, Instagram jelisiniń qazaq tilindegi ınterfeısin jelidegi memlekettik tildiń qoldanys aıasyn ulǵaıtady. 

«Sondaı-aq nıý medıa taqyryby boıynsha baspasóz hatshylaryn oqytý, balalar kontentin jasaý, kontentti verıfıkasııalaý, t.b. jaılardy birlesip atqarýdy usyndym ári jýyrda ótetin Astana Media Week jáne Central Asian Media Forumyna shaqyrdym.

Kompanııa ókili usynystarymdy ystyq yqylaspen qabyl alyp, qoldaý bildirýge daıyn ekenin aıtty.  Buıyrsa, Qazaqstanda jýyrda Metanyń arnaıy seriktes ókili taǵaıyndalady. Elimizdegi ókil arqyly da Metamen tyǵyz jumys isteımiz. Sheteldik áriptestermen kásibı baılanysty kúsheıte beremiz», delingen jazbada.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar