Al qarjy pıramıdalaryna 500 adam aldanyp qalǵan.
Oblystyq ekonomıkalyq tergeý departamenti uıymdastyrý-baqylaý basqarmasynyń basshysy Bekbolat Ánesovtiń aqparatyna qaraǵanda, 6 aıda 43 qylmystyq is tirkelgen. Onyń ishinde 26 qylmystyq isti tergeý aıaqtalyp, sotqa 20 qylmystyq is joldanǵan.
«Al 6 is óndiristen toqtatyldy. Qylmystyq ister boıynsha keltirilgen zalaldyń mólsheri 1,3 mlrd teńgeni qurady. Bıýdjetke 495,3 mln teńge keri qaıtaryldy. Jalpy somasy 206,6 mln teńgeni quraıtyn múlikke toqtam salyndy. Qylmystyq jolmen tabylǵan zańsyz qarjydan 701,9 mln teńge qaıtarylyp otyr», deıdi Bekbolat Ánesov.
Jyl basynan beri qarjy pıramıdalarynan 500 adam zardap shekkeni anyqtalypty. Osyǵan baılanysty tıisti is-sharalar júrgizilip, qarjy pıramıdasy túrinde jumys istegen 120 áleýmettik medıa saıt pen akkaýnt jabylǵan.
