О́ner • 30 Qyrkúıek, 2022

«The Planet of ART - 2022» festıvali bastaldy

61 ret kórsetildi

M. Áýezov atyndaǵy Qazaq ulttyq drama teatrynda Qazaqstandyq Ulttyq IýNESKO Klýbtary Federasııasy uıymdastyrǵan «The Planet of ART - 2022» Halyqaralyq festıvaliniń saltanatty ashylýy ótti, dep habarlaıdy Egemen.kz.

1947 jyly Japonııada paıda bolǵan Dúnıejúzilik IýNESKO klýbtyq qozǵalysynyń bóligi retinde Qazaqstandyq Ulttyq IýNESKO Klýbtarynyń Federasııasy 2009 jylǵy sáýirde quryldy. Búginde federasııa elimizdiń jastaryn qoldaý jáne damytý arqyly IýNESKO ıdealdary men qundylyqtaryn ilgeriletý boıynsha aýqymdy jobalardy júzege asyrýda.

Búgingi tańda Qazaqstan Respýblıkasynda  175-ge jýyq IýNESKO  klýbtary jumys isteıdi, olardyń músheleriniń jalpy sany 17000 adamnan asady. Olar 17 oblystyń 50-den astam qalasy men 23 aýylynda ornalasqan.

Bıylǵy «The Planet of ART - 2022» kórkemdik sıkli Jibek joly fenomeniniń kóp qyrly murasyn jan-jaqty zertteýge arnalǵan jáne Qazaqstandaǵy balalar jylyn, Qazaqstannyń IýNESKO-ǵa kirýiniń 30 jyldyǵy men Klýbtyq qozǵalystyń 75 jyldyǵyn merekeleý aıasynda ótýde.

«Jibek joly: mádenı mura», «Jibek joly: ınnovasııalar» jáne «Jibek joly: Halyqtar Dostyǵy» nomınasııalary boıynsha jobaǵa 8000-nan astam bala qatysty. Qatysýshylar álemniń túrli elderinen 3 jastan 18 jasqa deıingi balalar men jastardy qamtydy.

Festıvaldiń fınaldyq bóligi álemniń túrli elderinen kelgen 45 jeńimpazdy biriktirip, olardy Qazaqstannyń ońtústik astanasy – Almaty qalasynda tańǵajaıyp baǵdarlama kútip turdy. Balalarǵa Qazaqstan Respýblıkasynyń jetekshi pedagogtarymen jáne óner qaıratkerleriniń sheberlik synyptarymen trenıngterinen ótýge biregeı múmkindik berildi. Baǵdarlamanyń birinshi kúni M.Áýezov atyndaǵy Qazaq ulttyq drama teatrynda joba fınalısteriniń jumystarynyń kórmesi, festıval jeńimpazdaryn marapattaý rásimi jáne festıvaldiń mýzykalyq sıkli jas laýreattarynyń qatysýymen keremet konsert ótti.

Almaty qalasynyń qonaqtary men turǵyndaryna jobanyń mýzykalyq sıkli laýreattarynyń úzdik nómirleri kórsetildi, olar osy jyldyń jazynda elimizdiń batysyndaǵy «The Planet of ART» festıvaliniń fınaly kezinde beıbitshilik taqyrybynda tańǵajaıyp konsert usynǵan bolatyn. Shyǵarmashylyq pen ónerdi biriktirgen bul joba jastardyń sanasynda beıbitshilik pen jaqsylyq ıdeıalaryn nyǵaıtýdyń ortaq maqsatyna qol jetkizýde ártúrli janrlardy biriktirdi.

Is-shara baǵdarlamasynyń mańyzdy oqıǵalarynyń biri «The Planet of ART – 2022» festıvaliniń fınalısteri men jeńimpazdarynyń 500-ge jýyq jumystary engen «Jibek joly murasy» balalar shyǵarmashylyǵynyń taqyryptyq albomyn shyǵarý jáne tanystyrý boldy.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar