Parlament • 01 Qazan, 2022

Ahmet Baıtursynulynyń esimi eshqashan umytylmaıdy - Máýlen Áshimbaev

161 ret kórsetildi

Memleket basshysynyń tapsyrmasymen Parlament Senatynyń Tóraǵasy Máýlen Áshimbaev Ahmet Baıtursynulynyń 150 jyldyǵyna arnalǵan is-sharalarǵa qatysty, dep habarlaıdy Egemen.kz Parlament Senatynyń baspasóz qyzmetine silteme jasap.

«Ultyna ǵumyryn arnaǵan Uly tulǵa» atty ǵylymı-tájirıbelik konferensııada Senat Spıkeri el Prezıdenti Qasym-Jomart Toqaevtyń quttyqtaý hatyn oqyp berdi.

«Ahmet Baıtursynuly – tarıhymyzda aıryqsha orny bar biregeı tulǵa. Alash jurtynyń asyl perzenti halqymyzdyń taǵdyry synǵa túsken kúrdeli kezeńde erekshe qaıratkerlik tanytty. Shyn máninde, Ahańnyń ómir joly – ultqa qyzmet etýdiń jarqyn úlgisi. Arystarymyzdyń esimin ardaqtap, ulaǵatty isin jalǵastyrý – halqymyzdyń qasterli paryzy», delingen Memleket basshysynyń quttyqtaýynda.

О́z sózinde Máýlen Áshimbaev ult ustazy, asa kórnekti ǵalym, aǵartýshy, tarıhı tulǵa Ahmet Baıtursynulynyń saıası jáne rýhanı murasyna keńinen toqtalyp ótti.

Sondaı-aq Senat Tóraǵasy mereıtoıdyń qazaq úshin qasterli Torǵaı jerinde atalyp ótýiniń aıryqsha mańyzyna nazar aýdardy. Ol Memleket basshysy el damýynyń jańa tarıhı kezeńinde óńirlerdi órkendetý máselesine basa mán berip otyrǵanyn, osy baǵytta tıisti organdarǵa naqty tapsyrmalar bergenin jáne aldaǵy mindetterdi nátıjeli oryndaý úshin Parlament júıeli jumys júrgizip jatqanyn aıtty.

«Memleket basshysy jańa jáne Ádiletti Qazaqstan qurý baǵdaryn aıqyndap berdi. Qazirgi tańda osy baǵytta aýqymdy jumys atqarylyp jatyr. Elimizde keshendi saıası, ekonomıkalyq jáne áleýmettik ózgerister iske asyrylýda. Eń basty mindet – táýelsizdigimizdi nyǵaıtyp, halqymyzdyń ál-aýqatyn jaqsartý. Ol úshin tutas elimizdi, sondaı-aq ár óńirdi órkendetýdiń mańyzy zor. Prezıdentimizdiń jańa bastamalary qazaq úshin qasterli meken sanalatyn Torǵaıdyń damýyna tyń serpin beredi dep senemiz», degen Senat Tóraǵasy Ádiletti Qazaqstan qurý jáne óskeleń urpaqty otanshyldyq rýhpen tárbıeleý jolynda Torǵaı topyraǵynan túlegen tulǵalardyń rýhanı murasyn dáripteýdiń mańyzdy ekenin tilge tıek etti.

Konferensııada belgili zııaly qaýym ókilderi, kórnekti qoǵam qaıratkerleri de sóz sóıledi. Olardyń qatarynda jazýshy, ǵalym Qoıshyǵara Salǵara, alashtanýshy Ánes Ǵarıfolla, ahmettanýshy Serikbaı Ospanov jáne taǵy basqa sarapshylar bar.

Is-shara barysynda Ahmet Baıtursynuly medalimen, «Til janashyry» syılyǵymen jáne «Jangeldi aýdanynyń qurmetti azamaty» ataǵymen marapattaý rásimi ótti.

Mereıtoı aıasynda Qostanaı oblysynyń Torǵaı aýylynda Alash arystary Ahmet Baıtursynuly men Mirjaqyp Dýlatulyna arnalǵan eskertkish ashyldy. Ashylý saltanatynda Senat Spıkeri kıeli Torǵaı óńirinen ult tarıhyndaǵy kóptegen uly tulǵalar shyqqanyn, olardyń qatarynda Abylaı hannyń serigi bolǵan shaqshaq Jánibektiń, eliniń erteńi úshin atqa qonǵan Amangeldi men Keıki batyrlardyń, halqyn birlikke, bilimge, otanshyldyqqa shaqyrǵan Ybyraı Altynsarın, Ahmet Baıtursynuly jáne Mirjaqyp Dýlatulynyń esimderi erekshe atalatynyn aıtty. Sondaı-aq Máýlen Áshimbaev qazaq úshin bul ólkeniń qasıeti bólek ekenine jáne bul árdaıym halqymyz jadyna saqtalatynyna nazar aýdardy.

Sonymen qatar Senat Tóraǵasy jyl basynan beri A.Baıtursynulynyń ómiri men ósıetin dáripteý maqsatymen elimizde atqarylǵan jumystarǵa toqtaldy.

«Mereıtoı aıasynda Ult ustazyn ulyqtaý baǵytynda aýqymdy jumystar atqarylǵanyn kórip otyrmyz. Birqatar eldimekenderge, kóshelerge jáne nysandarǵa Ahańnyń esimi berildi. Qaıratkerdiń 12 tomdyq shyǵarmalar jınaǵy jaryq kórdi. Ahmet Baıtursynuly týǵan jerde kesenesi turǵyzyldy. Sol jerde mýzeı-úı boı kóterdi. Ultymyzdyń rýhanı kóseminiń eńbegin nasıhattaý jáne ony taný jumystary aldaǵy ýaqytta da qarqyndy jalǵasa beredi», dedi Máýlen Áshimbaev.

Osy kúni Ahmet Baıtursynuly men Mirjaqyp Dýlatulynyń ádebı mýzeı-úıi kópshilikke tanystyryldy.

Budan basqa Senat Tóraǵasy oblysta bolǵan órttiń saldaryn joıýǵa qatysqan eriktilermen arnaıy kezdesti.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar