Aıarlyqqa qurylǵan qamqorlyq

Qarjy polısııasy Jaqsy aýdandyq bilim bóliminiń ádiskeri Qasenova men osy aýdan turǵyny Myrzabaevaǵa qatysty jaǵa ustatar qylmystyń betin ashyp, ony sottyń qaraýyna joldady. Tergeý barysynda joǵarydaǵy qos azamatsha kóldeneń aqsha tabýdyń aıryqsha tásilin júzege asyrǵandyǵy anyqtaldy. Iаǵnı, tárbıe oshaǵynyń ádiskeri Qase­­­­nova óziniń qyzmettik ókilettigin paıdalanyp, 2013 jyldyń maýsymy men 2014 jyldyń aqpany aralyǵynda ata-anasynyń qara­ý­ynsyz qalǵan balalarǵa qam­qorshy retinde bıýdjetten beriletin 650 myń teńgeni qymqyrǵan. Máseleniń shynaıy tór­ki­ni bylaısha órbigen eken. Myr­zabaeva óziniń balalarynan bas tartý jóninde jalǵan qujat resimdegennen keıin, óziniń anasynyń atyna balalaryna qamqorshy retinde qosymsha qujattardy tirketedi. Al, anasy ókimet qarjysyn aı saıyn alyp, qyzyna berip otyrǵan. О́z kezeginde, Myrzabaeva kelisim boıynsha bul aqshany Qasenovaǵa tapsyryp kelgen. Aıarlyqqa qurylǵan «qam­qorlyqtyń» quıryǵy bir tutam degen osy. Baqbergen AMALBEK, «Egemen Qazaqstan». Aqmola oblysy, Jaqsy aýdany.