Prezıdent • 03 Qazan, 2022

Memleket basshysy Erlan Qoshanovty qabyldady

193 ret kórsetildi

Memleket basshysy Qasym-Jomart Toqaev Májilis tóraǵasy Erlan Qoshanovty qabyldady, dep habarlaıdy Egemen.kz Aqordanyń resmı saıtyna silteme jasap.

Prezıdentke Parlament Májilisiniń qazirgi zań shyǵarý qyzmeti týraly aqparat berildi. Atap aıtqanda, Májilis depýtattary «Adam quqyqtary jónindegi ýákil týraly», «Konstıtýsııalyq sot týraly», «Prokýratýra týraly» zań jobalaryn, sondaı-aq birqatar konstıtýsııalyq jáne basqa da zańdarǵa engiziletin ózgeristerdi qarastyryp, Senatqa joldady.

Palata maquldaǵan zań jobalary bıylǵy 5 maýsymda ótken referendýmda halyq daýys bergen konstıtýsııalyq reformalardyń negizgi erejelerin júzege asyrýǵa baǵyttalǵan. Engiziletin zań normalary azamattardyń konstıtýsııalyq quqyqtarynyń qorǵalýyn kúsheıtýge jáne turǵyndardyń elimizdiń saıası ómirine aralasý múmkindigin keńeıtýge septigin tıgizedi.

Erlan Qoshanov Qasym-Jomart Toqaevqa parlamenttik dıplomatııa jáne shet memleketterdiń zań shyǵarýshy organdarymen aradaǵy is-áreketter aıasyndaǵy jumystardyń negizgi basymdyqtary týraly baıandady.

Májilis tóraǵasy Memleket basshysyna Túrkııanyń Iznık qalasynda ótken IV Dúnıejúzilik kóshpendiler oıyndarynyń saltanatty ashylý rásimine elimizdiń delegasııasynyń qatysqany jóninde aıtty. Túrki qoǵamdastyǵy V Dúnıejúzilik kóshpendiler oıyndaryn 2024 jyly Qazaqstanda ótkizý jónindegi usynysty biraýyzdan qoldady.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar